ජනාධිපති ලේකම් කාර්යාලය ඉදිරිපිට ඊයේ (04) පැවති ගුරු – විදුහල්පති විරෝධතාවය අතරතුර අත්අඩංගුවට ගත් 44 දෙනා රුපියල් ලක්ෂය බැගින් වූ ශරීර ඇපයක් මත මුදා හරින ලෙස කොටුව මහේස්ත්රාත් ප්රියන්ත ලියනගේ මහතා අද (5) නියෝග කළා.
එහිදි මහේස්ත්රාත්වරයා වැඩිදුරටත් සදහන් කළේ ඉදිරි දිනයක ශරීර ඇප තැන්පත් කරන තෙක් පුද්ගලික ඇප මත මෙම අවස්ථාවේ අදාළ පුද්ගලයින් 44 දෙනා මුදා හරින ලෙසයි.
ඊයේ දින ජනාධිපති ලේකම් කාර්යාලය අසල පැවති විරෝධතාවයේදි අත්අඩංගුවට ගත් මෙම පිරිසට ගුරුවරුන් 22ක් ගුරුවරියන් 16ක් සහ වෙනත් පුද්ගලයින් 6 දෙනෙකු ඇතුළත්.
අත්අඩංගුවට ගැනීමෙන් පසු අදාළ පිරිස කොළඹ මහනගර සභාවේ සෞඛ්ය වෛද්ය නිලධාරීවරයා වෙත ඉදිරිපත් කළ අතර එහිදි ඇන්ටිජන් පරීක්ෂණයකට යොමු කෙරුණා.
එම ඇන්ටිජන් පරික්ෂණවල ප්රතිඵල අද පෙරවරුවේ නිකුත් වූ අතර අත්අඩංගුවට ගත් පුද්ගලයින් 44 දෙනාගෙන් කිසිවෙකුට කොවිඩ්-19 ආසාදනය වී නොමැති බව ඉන් තහවුරු වී තිබුණා.
එම පිරිස අද අධිකරණට ඉදිරිපත් කෙරුණේ නීති විරෝධී රැස්වීමක සාමාජිකයන් වීම, ජාතික මංමාවත් පනත උල්ලංඝනය කරමින් ප්රධාන මාවත් අවහිර කිරීම, නිරෝධායන පනත උල්ලංඝනය කිරීම ඇතුළු චෝදනා කිහිපයකට අදාළවයි.
