පකිස්තානයේ බලුකිස්තාන ප්‍රාන්තයේ සිදුව ඇති බලහත්කාරයෙන් අතුරුදන් කිරීම්වලට එරෙහිව වන විරෝධතා ව්‍යාපාරයක් බ්‍රිතාන්‍යයේදී දී පවත්වා තිබේ.
විදෙස් මාධ්‍ය වාර්තා කළේ ලන්ඩන් නුවර ඩවුනිං වීදියේ අගමැති නිල නිවස ඉදිරිපිට දී මෙම විරෝධතා ව්‍යාපාරය පැවති බවයි.
බලුකිස්තාන ජාතික ව්‍යාපාරය සංවිධානය කළ මෙම විරෝධතාව සදහා පකිස්තානයේ තවත් දේශපාලන පක්ෂ රැසක නියෝජිතයන් ද එක්ව සිටි බව සදහන් වේ.
බලුකිස්තාන ජාතික ව්‍යාපාරයේ නායක ආචාර්ය ඩීන් මොහොමඩ් අතුරැදන්ව වසර දොලහක් ගතවීම මෙම විරෝධතා ව්‍යාපාරය පැවැත්වීමට ප්‍රධාන හේතුවයි.
පකිස්තානයේ බලුකිස්තාන ප්‍රාන්තයේ දේශපාලන විරුද්ධ මතධාරීන් පැහැරගෙන ගොස් අතුරුදන් කිරීම අඛණ්ඩව සිදුවන බවත් මේ මාසයේදී පමණක් එවැනි සිදුවීම් විස්සක් දැනට වාර්තා වී ඇති බවත් විරෝධතාවයට එක්වූවෝ මෙහිදී සදහන් කළහ.
මේ සදහා පකිස්තාන ආරක්ෂක අංශ වගකිව යුතු බවටද ඔවුහු මෙහිදී චෝදනා කළහ.
