බන්දුල ආයෙත් බඩුමිල අඩුකරනවලු

හාල්, පිටි, සීනි, පරිප්පු, ටින්මාළු, හාල්මැස්සන්, ළූණු, අර්තාපල්, බිත්තර හා කුකුල් මස් වැනි අත්‍යාවශ්‍ය ආහාර ද්‍රව්‍ය වර්ග 10 ක් සඳහා දේශීය නිෂ්පාදකයන්ගෙන් හා සෘජු ආනයනකරුවන්ගෙන් සැපයුම් මිල ගණන් කැදවීමේ පුවත්පත් දැන්වීමක් මේ මාසයේදී පලකර ඉහළ ගුණාත්මක භාවයෙන් භාණ්ඩ අවම මිලකට මිලදී ගැනීම සදහා වැඩපිළිවෙලක් සකසා අවසන් බව වෙළෙඳ අමාත්‍ය බන්දුල ගුණවර්ධන මහතා පවසනවා.
මිහින්තලයේ ආරම්භ කිරීමට නියමිත ප්‍රධාන වාණිජ නගරයේ කටයුතු සම්බන්ධයෙන් සිදුකරන සාකච්ඡාවකට එක්වෙමින් ඔහු සදහන් කළේ අවම සැපයුම් මිල ගණන් යටතේ ලබාගන්නා නිෂ්පාදනයන් සෘජුවම සතොස, සමූපකාර හා Q-Shop ජාලය හරහා පාරිභෝගික ජනතාව වෙත ලබාදීමට කටයුතු කරන බවයි.
මෙම අත්‍යාවශ්‍ය භාණ්ඩවල මිල ස්ථායිකරණය පෙබරවාරි මස සිට ජූනි මස දක්වා මාස 6 ක කාලයක් පවත්වාගෙන යාමට කටයුතු කරන බවද අමාත්‍යවරයා මෙහිදී සදහන් කළා.