බංග්ලාදේශයේ මහල් හයක ගොඩනැගිල්ලක ඇති වූ ගින්නකින් පුද්ගලයින් 52 දෙනෙකු මියගොස් 50 දෙනෙකු තුවාල ලබා ඇති බව පොලිසිය පවසයි
ඩකා අසල කාර්මික නගරයක් වන රුප්ගන්ජ් හි මහල් හයක ගොඩනැගිල්ලක මෙම ගින්න හට ගෙන තිබිණි.
කිහිප දෙනෙක් ගින්නෙන් ගැලවීම සඳහා බිමට පැනීමේ දී ජීවිතක්ෂයට පත් විය.
පැය 24 කට පසුව ද ගින්න දිගින් දිගටම ඇවිලෙමින් පැවතුණු අතර ගොඩනැගිල්ල තුළ සිරවී සිටින පිරිස් ගලවාගැනීමේ මෙහෙයුම් ක්රියාත්මක වන බව වාර්තා වේ.
කර්මාන්තශාලාවේ පැවති රසායනික ද්රව්ය හා ප්ලාස්ටික් බෝතල් ගොඩනැගිලි සංකීර්ණයේ බිම් මහලේ සිට ගින්න ඉක්මනින් පැතිරීමට උපකාරී වූ බව ප්රාදේශීය වාර්තා පෙන්වා දෙයි.
පැය 24 ක් පමණ ගොඩනැගිල්ල අඛණ්ඩව ගිනිබත් වීම නිසා මළ සිරුරු පිටතට ගෙන ඒම පමා වීම පිළිබඳ ශෝකයට පත් ඥාතීන් කලහකාරී ලෙස හැසිරෙමින් සිටින බව ද මාධ්ය වාර්තා කර තිබේ.