බංගලාදේශය වේගවත් සංවර්ධන වැඩපිලිවෙළ තුළින් උගත හැකි පාඩම් රැසක් ඇති බව ඉන්දීය විදේශ අමාත්‍යාංශයේ ලේකම් හර්ෂ් වර්ධන් සින්ග්ලා ප්‍රකාශ කර තිබේ.
ඔහු සදහන් කර ඇත්තේ බංගලාදේශය මෑත කාලීනව ලබා ඇති දියුණුව තුළින් ඉන්දියාව ඇතුලු සමස්ත කලාපයටම ගත හැකි ආදර්ශ බොහෝ ඇති බවයි.
බංගලාදේශයේ ආර්ථික මෙන්ම සමාජ සංවර්ධන දර්ශකද මෑත කාලීනව කැපී පෙනෙන ලෙස ඉහළ ගොස් තිබීම කලාපයටම සතුටු විය හැකි තත්වයක් බවද ඔහු පෙන්වා දී තිබේ.
ඉන්දීය විදේශ අමාත්‍යාංශ ලේකම්වරයා මෙම අදහස් පළකර ඇත්තේ ඉන්දියාවේ දිල්ලි විශ්ව විද්‍යාලයේ දී බංගලාදේශය කේන්ද්‍රයක් විවෘත කිරීමේ අවස්ථාවකට එක්වෙමිනි.
ඉදිරියේදී ද බංගලාදේශය සමග සහයෝගයෙන් කටයුතු කර කලාපයේ දියුණුව වර්ධනය කිරීම ඉන්දියාවේ අපේක්ෂාව බවද ඔහු එහිදී සදහන් කර ඇත.
