යුද්ධයේ තීරණාත්මක අවස්ථාවේදී ජාත්‍යන්තරය කළමනාකරණය කරනු ලැබුවේ බැසිල් රාජපක්ෂ මහතා බව ශ්‍රී ලංකා පොදුජන පෙරමුණේ කළුතර දිස්ත්‍රික් පාර්ලිමේන්තු මන්ත්‍රී සංජීව එදිරිමාන්න මහතා පවසනවා.
යුද්ධයේ තීරණාත්මක අවස්ථාවේ ඉන්දියාව රටට හිතවත් තැනක නතර කිරීමට කටයුතු කළේ බැසිල් රාජපක්ෂ මහතා බවත් යුද්ධය පැවති සමයේ ජනාධිපතිවරයාගේ ජ්‍යෙෂ්ඨ උපදේශකවරයා ලෙස බැසිල් රාජපක්ෂ මහතා, එවකට එක්සත් ජාතීන්ගේ මහලේකම් බෑන් කී මූන් හමුවේ සාකච්ඡා පවත්වා ශ්‍රී ලංකා රජය වෙනුවෙන් සියලු සබඳතා සම්බන්ධීකරණය කළ බවත් මන්ත්‍රීවරයා පවසනවා.
එමෙන්ම, යුරෝපා සංගමයද රටට හිතවත් තැනක රඳවා තබන්නට නායකත්වය ලබාදුන්නේද බැසිල් රාජපක්ෂ මහතා බවත් රතු කුරුස සංවිධානය ඇතුළු සියලු සංවිධානද රටට හිතවත් තැනක නතර කර ගැනීමට කටයුතු කළේද බැසිල් රාජපක්ෂ මහතා බවත් ඔහු තවදුරටත් පවසනවා.
එයාකාරයෙන් කොටි සංවිධානය පරදවා රටක් ලෙස අප ලැබූ ජයග්‍රහණයේදී බැසිල් රාජපක්ෂ මහතා තීරණාත්මක කාර්යභාරයක් සිදුකළ බවයි මන්ත්‍රීවරයා පවසන්නේ.
