වත්මන් රජයේ නව මුදල් කැබිනට් අමාත්‍යවරයා ලෙස බැසිල් රාජපක්ෂ මහතා ජනාධිපතිවරයා ඉදිරියේ දිවුරුම් දී තිබෙනවා.
ඒ අනුව මෙතෙක් මුදල් අමාත්‍ය ධූරයේ කටයුතු කළ අග්‍රාමාත්‍ය මහින්ද රාජපක්ෂ මහතාට නව අමාත්‍යාංශය ලෙස ආර්ථික ප්‍රතිපත්ති හා සැළසුම් ක්‍රියාත්මක කිරීමේ අමාත්‍ය ධූරය ලබාදී ඇති බවයි වාර්තා වන්නේ.
කෙසේවෙතත් බැසිල් රාජපක්ෂ මහතා මේ වන තුරු පාර්ලිමේන්තු මන්ත්‍රීවරයෙක් ලෙස දිවුරුම්දී නොතිබීමද විශේෂත්වයක්.
නමුත් ජයන්ත කැටගොඩ මන්ත්‍රීවරයාගේ ඉල්ලා අස්වීමෙන් පසුව පුරප්පාඩු වූ මන්ත්‍රී ධූරය සඳහා යවා තිබූ බැසිල් රාජපක්ෂ මහතාගේ නම ඊයේ (07) මැතිවරණ කොමිසම ගැසට් නිවේදනයක් මඟින් පලකර තිබුණා.
