25 C
Colombo
Friday, December 3, 2021

මන්ත්‍රීධුරය ගැන ධනාත්මකව හිතන්නෑ- බැසිල් කියයි

- Advertisement -

තමන් පාර්ලිමේන්තු මන්ත්‍රීවරයෙකු ලෙස දිවුරුම් දෙනවාද නැද්ද කියා තීන්දුවක් ගෙන නොමැති නමුත්, ඒ ගැන ධනාත්මකව කල්පනා කරන්නට බලාපොරොත්තු නොවන බව ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ ප්‍රකාශ කර ඇත.

ඉරිදා ලංකාදීප පුවත්පතට සම්මුඛ සාකච්ඡාවක් ලබාදෙමින් ඔහු ඒ බව කියා ඇත. පසුගිය කාලසීමාවේදී පුවත්පත්වලට සම්මුඛ සාකච්ඡා ලබා නොදුන් ඔහු, මෙවර තම අදහස ප්‍රකාශ කිරීම විශේෂත්වයකි.

ඔහු මන්ත්‍රීධුරය බාරගැනීම ගැන අදහස් දක්වා තිබුණේ මෙසේය.

‘ඇත්තටම මම ඒ ගැන ධනාත්මකව හිතලා නෑ. ඔබ දන්නවා 2015 දී ජනතාව අපට තීන්දුවක් දුන්නා. ඒ ජනවරමට ඉඩ දීලා අපි ඉවත් වුණා. එතැනදී මම කල්පනා කළා ඉදිරි කාලය මගේ දරුවන් හා බිරිඳ සමග ඉන්න ඕනෑ කියලා. නමුත් ඒකට ඉඩ දුන්නේ නෑ. යම් යම් චෝදනා දාලා මාව කොටු කළා.

මම මුලින්ම ලංකාවට ආවා. එතැනදී මම කාරණා දෙකක් හිතුවා. එකක් මේ මර්දනය නීතිමය වශයෙන් පරාජය කරන්න සම්පූර්ණ ශක්තිය යොදවන්න ඕනෑ කියලා. දෙවැනි එක ඒ රටට හානි  හතුරු පාලනය දේශපාලනිකව පරාජය කරන්න ඕනෑ කියලා. මේ මර්දනය මට විතරක් නෙවෙයි. අපේ කඳවුරේ අතිමහත් පිරිසකට එල්ලවුණා.

ඒ එක්කම හිතපු දෙයක් තමයි මගේ කැමැත්තක් නැහැ ජාතික දේශපාලනයට එන්න. ඒ කාර්යභාරයට හොඳම අය ඇවිත් ඉන්නවා. ගෝඨාභය රාජපක්ෂ ජනාධිපතිතුමා ඇතුළු පිරිස. ඒ අයට උදව්වක් කරගෙන ඉන්නවා මිසක් මෙතැනින් එහාට යන්න මගේ බලාපොරොත්තුවක් නෑ.

ආරාධනා මට බොහොමයක් තියෙනවා. මන්ත්‍රීවරුන් විතරක් නෙවෙයි, ජනාධිපතිතුමාත් අගමැතිතුමාත් ඉල්ලලා තියෙනවා. විවිධ ක්ෂේත්‍රවලින් ආරාධනා එනවා. නමුත් මම තවම ඒ ගැන තීන්දුවක් අරගෙන නෑ. ධනාත්මකව ඒ ගැන කල්පනා කරන්න බලාපොරොත්තුවක් ඇත්තේත් නැහැ.’

පසුගිය සතියේ ඉරිදා පුවත්පතකට සාකච්ඡාවක් දෙමින් පාර්ලිමේන්තු මන්ත්‍රී ජයන්ත කැටගොඩ ප්‍රකාශ කර තිබුණේ බැසිල් රාජපක්ෂ මහතා පාර්ලිමේන්තුවට පැමිණෙන බව ප්‍රකාශ කළහොත් ඒ මොහොතේ ‘තමන්ටද තීන්දුවක් ගැනිමට’ සිදුවන බවය.

RECENT ARTICLES - SINHALA

ඔමික්‍රෝන් ඉන්දියාවටත් කඩා වදියි

0
ඔමික්‍රෝන් කොවිඩ් ප්‍රභේදය ආසාදනය වූ පුද්ගලයින් දෙදෙනෙක් අසල්වැසි ඉන්දියාවෙන් හමුවී තිබෙන බව වාර්තා වෙයි. එරට මාධ්‍ය පැවසුවේ ආසාදිතයින් දෙදෙනෙක්...

චීනය මෙරට විදුලිය ව්‍යාපෘතියක් අත්හිටුවීමට තීරණය ක‍රයි

ඩෙල්ෆ්,නයනතිව්,අනලතිව් දූපත් වල ක්‍රියාත්මක කිරීමට සූදානම් වූ විදුලිය ව්‍යාපෘති අත්හිටුවීමට තීරණය කළ බව මෙරට චීන තානාපති කාර්යාලය පවසනවා. ඒ,...

බාල චීන පොහොර නැව තවමත් ශ්‍රී ලංකා මුහුදේ

උපද්‍රවකාරී ක්ෂුද්‍ර ජීවින් ඇති බවට දෙවරක් තහවුරු කරන ලද චීන පොහොර තොගය රැගත් හිපෝ ස්පිරිට් නෞකාව තමත් ශ්‍රී ලංකා මුහුදු තීරයේ රැඳී...

RECENT ARTICLES - ENGLISH

Allow MPs to attend universities without facing entrance examinations

0
Parliamentarians should be allowed to enrol in the Sri Lanka Law College or any other university to further their studies, Chief Opposition...

Azath Salley acquitted and released by Court

0
Former Western Province Governor Azath Salley was acquitted of charges of creating communal disharmony this morning (2) by Colombo High Court judge...

Gas explosions: Authorities to obtain reports on gas smell

0
It has been decided to the release the gas to the local market after obtaining a report on gas smell, during the...