කොවිඩ් වසංගතයත් සමග ජනතාව ඉතාමත් අසීරුතාවයකට පත්ව තිබියදී තෙල් මිලත් ඉහළ දැමීම තමන් අනුමත නොකරන බව රාජ්‍ය අමාත්‍ය නිමල් ලංසා පවසනවා.
ඒ අද (14) දින මාධ්‍ය වෙත අදහස් දක්වමින්.
ඉන්ධන මිල ඉහළ යාම මෙරට සමස්ත භාණ්ඩ හා සේවා වල මිල තීරණය කිරීමටත් සාධකයක් වන බව පෙන්වා දෙන ඒ මහතා වැඩිදුරටත් පවසන්නේ මෙම අවස්ථාව ඉන්ධන මිල සංශෝධනයකට සුදුසු නොවන බවයි.
බලශක්ති අමාත්‍යවරයාට ඉල්ලා අස් වන ලෙසට පවසමින් ශ්‍රී ලංකා පොදුජන පෙරමුණ විසින් නිකුත් කළ නිවේදනය පිටුපස බැසිල් රාජපක්ෂ සිටින බවට පළවන මතට ප්‍රතික්ෂේප කරන බවත් බැසිල් රාජපක්ෂ මෙරට සිටියේ නම් මෙම මිල සංශෝධනයට ඉඩ නොදෙනු ඇති බවත් රාජ්‍ය අමාත්‍යවරයා ප්‍රකාශ කර සිටිනවා.
“බැසිල් රාජපක්ෂ මහත්තයට ඕනෙ නම් එතුමා ජනාධිපතිතුමාට කතා කරයි. කාරියවසම් මහත්තයා පිට කරන්න ඇත්තේ පක්ෂයේ පහළ මිනිස්සුන්ගෙන් එන පීඩනය.” යැයි ඒ මහතා පවසනවා.
