පාර්ලිමේන්තුවෙන් ඉල්ලා අස්වූ ශ්රී ලංකා පොදුජන පෙරමුණේ පත්කළ මන්ත්රී ජයන්ත කැටගොඩ මහතා වෙනුවට බැසිල් රාජපක්ෂ මහතාගේ නම එම පක්ෂය විසින් මැතිවරණ කොමිෂන් සභාව වෙත යොමුකර තිබේ.
ඒ අනුව ඔහුගේ නම ඉදිරියේදී මැතිවරණ කොමිෂන් සභාව විසින් මන්ත්රීවරයෙක් ලෙස පත්කළ බව සඳහන් කරමින් අති විශේෂ ගැසට් නිවේදනයකින් ප්රකාශයට පත්කරනු ඇත.
මේ සම්බන්ධයෙන් ශ්රී ලංකා පොදුජන පෙරමුණ විසින් මැතිවරණ කොමිසමට දැනුම්දීමෙන් අනතුරුව මාධ්ය හමුවේ අදහස් දැක්වූ ශ්රී ලංකා පොදුජන පෙරමුණේ මහ ලේකම් පාර්ලිමේන්තු මන්ත්රී සාගර කාරියවසම් මහතා පැවසුවේ 8 වනදා බැසිල් රාජපක්ෂ මහතා පාර්ලිමේන්තු මන්ත්රීවරයෙක් ලෙස දිවුරුම් දෙනු ඇති බවයි.