ඔලිම්පික් උළෙල අතරතුර කණ්ඩයාමෙන් ඉවත් කර ආපසු සිය රටට හරවා යාමට දෙන ලද නියෝගය ප්‍රතික්ෂේප කළ බෙලරුසියානු ක්‍රීඩිකාව පෝලන්තයේ රැකවරණය අපේක්ෂා කරන බව විදෙස් මාධ්‍ය වාර්තා කර තිබේ.
මෙසේ නැවත බෙලරුසියාව වෙත පිටත් කර යැවීමට කටයුතු කළේ ක්‍රිස්ටිනා තිමනොව්ස්කා නැමති කෙටි දුර ධාවන ක්‍රීඩිකාවක් වේ.
තමාව පුහුණුකරුවන් විවේචනයකිරීම හේතුවෙන් බලහත්කාරයෙන් සිය රටට පිටමංකිරීම සඳහා ගුවන්තොටුපළ වෙත රැගෙන යාමට පහුගිය ඉරිදා දිනයේ තම කණ්ඩායමේ කළමණාකාරීත්වය කටයුතු කළ බව ඇය පවසයි.
එම රාත්‍රිය ඇය ජපන් පොලිසියේ ආරක්ෂාව යටතේ හෝටලයක නැවැත්වීමට ජපානය කටයුතු කර තිබුණි.
නැවත සිය රටට යාම සිය ජීවිතයට තර්ජනයක් බව ඇය පවසා තිබේ.
බෙලරුසියාව පවසන්නේ ඇගේ චිත්තාවේගී තත්ත්වය හේතුවෙන් ඇය කණ්ඩායමෙන් ඉවත් කිරීමට කටයුතු කළ බවයි.
තොමනොව්ස්කා සඳුදා දිනයේ ජපානයේ පෝලන්ත තානාපති කාර්යාලයට ගොස් ඇති අතර ඇය එහි රැකවරණය පතන බව බෙලරූස් කණ්ඩායමට සහාය දක්වන ක්‍රීයාකාරීන් පිරිසක් විදෙස් මාධ්‍ය වෙත පවසා ඇත.
ජනාධිපති ඇලෙක්සැන්ඩර් ලුකෂෝවා නැවත වරයක් බලයට පත්වීම සම්බන්ධයෙන් විරෝධතා දක්වන අය අතර ක්‍රීඩක ක්‍රීඩිකාවන් රැසක් වන අතර ඔවුන්ට එරෙහිව රජය දියත් කරන මර්දන අතරතුර ක්‍රීඩකයන්ට සහයෝගය දැක්වීම සඳහා බෙලරුසියානු ක්‍රීඩක සහයෝගිතා පදනම ගිය වසරේ දී පිහිටුවා ගෙන තිබේ.
මෙම පදනම තිමනොව්ස්කාට සහාය වෙමින් ඇය පෝලන්තය වෙත යැවීමට කටයුතු කරමින් සිටින බව පැවසේ.
