කටුනායක බණ්ඩාරනායක ජාත්‍යන්තර ගුවන්තොටුපොළ විදේශ සංචාරකයන් සඳහා නැවත විවෘත කිරීමට රජය කටයුතු කරමින් සිටීන බව වාර්තා වේ.
සෞඛ්‍ය අමාත්‍යාංශය හා සංචාරක අමාත්‍යාංශය ඒකාබද්ධ කමිටුවක් මගින් සැකසෙන ක්‍රමවේදයක් යටතේ මෙම විවෘත කිරීම් සිදුවන බව එම කමිටුවේ සාමාජික නිමේෂ් හේරත් මහතා ඬේලි මිරර් වෙබ් අඩවියට අද(7) පවසා ඇත.
නිශ්චිත ගමනාන්ත කල් තියා නම් කර සංචාරයට ඉඩ දීම හා හුදෙකලා නොකළ ප්‍රදේශවල සංචාරයට ඉඩ දීම යන ක්‍රම දෙකක් එහිදී සාකච්ඡාවට ගෙන ඇති නමුත් පළමු ක්‍රමයට ප්‍රමුඛතාවය දීමට කමිටුවේ අවධානය යොමුව ඇතැයි හේරත් මහතා පවසා තිබේ.
ගුවන් තොටුපොළ නැවත විවෘත කිරීමෙන් පසු අනුගමනය කිරීම සඳහා වෙනම මාර්ගෝපදේශ මාලාවක් සකස් කෙරෙන්නේ යැයි ද ඊට අදාළ කමිටු සාකච්ඡා අද(7) හා හෙට(8) දෙදින සිදුවන්නේ යැයි ද ඒ මහතා වැඩිදුරටත් සඳහන් කර ඇත.
එහිදී සංචාරකයන් රටට ඇතු`ඵවීමට පැය 72 කට පෙරත් ඇතු`ඵ වන අවස්ථාවේදීත් පැමිණ දින හතකට පසුත් පී.සී.ආර් පරීක්ෂාවක් කළ යුතු අතර එසේ පැමිණෙන සංචාරකයන් අවම වශයෙන් දින 14ක් රට තුළ රැඳී සිටිය යුතුවේ.
නිශ්චිතව තෝරාගත් පෙදෙස්වල විදේශිකයන්ට සංචාරයට ඉඩදීමේ ක්‍රමය දැනටමත් ඇතැම් රටවල් අනුගමනය කරමින් සිටීන අතර ඒ යටතේ සිදුවන්නේ ද්විපාර්ශ්වික එකඟතා මත අදාළ ගමනාන්ත පිළිබඳව තීරණ ගැනීමය.
