චීනයේ ඇතැම් ක්‍රියාකාරකම්වලට එරෙහිව බටහිර රටවල් සංධානගතවීම තුළ චීන විරෝධයක් හෝ චීනය පසුපසට ඇඳ දැමීමේ උවමනාවක් නැතැයි ඇමරිකානු රාජ්‍ය ලේකම් ඇන්තනි බ්ලින්කන් පවසයි.
සම්මුඛ සාකච්ඡාවකට එක්වෙමින් ඔහු සදහන් කර ඇත්තේ තම රටවලට අවශ්‍යව ඇත්තේ මානව හිමිකම්වලට ගරු කරන විනිවිදභාවයෙන් යුතුව කටයුතු කරන ලෝකයක් පවත්වාගෙනයාම බවයි.
චීනයේ ඇතැම් ක්‍රියාකාරකම් එම තත්වයට එරෙහිව යන බැවින් ඊට බලපෑම් කර එම තත්වය වෙනස් කර ගැනීමට බලාපොරොත්තු වන බවද ඇමරිකානු රාජ්‍ය ලේකම්වරයා මෙහිදී ප්‍රකාශ කර තිබේ.
පසුගිය දිනවල පැවති G7 රටවල් කණ්ඩායමේ රැස්වීමේදී මෙන්ම නේටෝ නායක හමුවේදී ද චීනයේ ක්‍රියාකාරකම් පිළිබද විශේෂ අවධානයක් යොමු කෙරිණ.
එහිදී චීනයේ ඇතැම් ක්‍රියාකාරකම්වලට ප්‍රතිචාර දැක්වීම සදහා විශේෂ වැඩපිලිවෙළ අනුගමනය කිරීමටද එම රටවල් තීරණය කරනු ලැබිණ.
