රක්ෂිත බන්ධනාගාර ගතවන්නන් නිරෝධායනය කිරීමේ නිරෝධායන මධ්යස්ථානයක් වශයෙන් පවත්වාගෙන ගිය බෝගම්බර පැරණි බන්ධනාගාරය, කාන්තා නිරෝධායන මධ්යස්ථානයක් වශයෙන් පමණක් පවත්වාගෙන යාමට බන්ධනාගාර දෙපාර්තමේන්තුව තීරණය කර තිබෙනවා.
ඒ අනුව ඊයේ (06) දිනයේ එම බන්ධනාගාරයට කන්දකාඩු කොවිඩ් ප්රතිකාර මධ්යස්ථානයේ ප්රතිකාර ලැබීමෙන් අනතුරුව සුවය ලැබූ කොවිඩ් රෝගී කාන්තා රැඳවියන් 663 දෙනෙකු නැවත පැමිණ තිබෙනවා.
එසේම එම බන්ධනාගාරයේ කොවිඩ් වෛරසය ආසාදිතව සිටි පිරිමි රැඳවියන් 322 ක් අලිමංකඩ යුද හමුදා කොවිඩ් ප්රතිකාර මධ්යස්ථානයට සහ මැගසින් බන්ධනාගාරයට යොමු කිරීමට පියවර ගෙන ඇත.
එමෙන්ම බෝගම්බර බන්ධනාගාරයේ සේවා කටයුතු සඳහා අනුයුක්ත කර සිටි පල්ලෙකැලේ දුම්බර බන්ධනාගාරයේ අච්චු රැඳවියන් 36 දෙනෙකු නැවතත් පල්ලෙකැලේ දුම්බර බන්ධනාගාරය වෙත යොමු කිරීමට පියවර ගෙන තිබෙනවා.