රුපියල් 5000 දීමනාව ලැබුණද ආහාර ද්රව්ය මිලදී ගැනීමට භාණ්ඩ නොපැමිණෙන බවට පවසමින් වනාතමුල්ල ප්රදේශයේ හුදකලා කර ඇති හල්ගහවත්ත ප්රදේශයේ ජනතාව විරෝධතාවයක නිරත වී ඇත.
ඒ නොවැම්බර් 26 වන දිනය. මෙම ප්රදේශය තුළ ජනතාවට අවශ්ය ආහාර ද්රව්ය ලබාගැනීමට ස්ථාන දෙකක් විවෘත කර තිබුණත් එහි අධික මිල ගණන් යටතේ භාණ්ඩ අලෙවි කරන බව විරෝධතාවයේ නිරත පිරිස් පැවසීය. නොවැම්බර් 19 වන දින රුපියල් 5000 දීමනාව තමන් වෙත ලබා දී තිබුණද අත්යවශ්ය ද්රව්ය එම ප්රදේශයට නොපැමිණෙන නිසා භාණ්ඩ මිලදී ගැනීමට නොහැකි බව ඔවුන් පවසයි.
අදාල ස්ථානයට බොරැල්ල පොලිසියේ ස්ථානාධිපතිවරයා පැමිණ ඇති අතර දූරකථනය හරහා ප්රාදේශීය ලේකම් කාර්යාලය සම්බන්ධ කරගනිමින් අදාල ප්රශ්ණය දින 02 ක් ඇතුළත නිරාකරණය කර දෙන බවට පොරොන්දු වී ඇත.