රට තුල අර්බුදයක් ඇතිව ඇති අවස්ථාවක රජය විසින් නව කැබිනට් මණ්ඩලයක් පත්කර ගනිමින් රජය ස්ථාවර කරගැනීමේ උත්සහයක යෙදී ඇති බව ලංකා ගුරු සංගමයේ ලේකම් ජෝශප් ස්ටාලින් මහතා පවසනවා.
ඒ, ගාලු මුවදොර පිටියේ ‘ගෝටා ගෝ ගම්මානයේ’ පිහිටුවා ඇති ජාත්‍යන්තර මාධ්‍ය මධ්‍යස්ථානයේ සිට මීට සුළු මොහොතකට පෙරෙ මාධ්‍ය අමතමින්.
මීට එරෙහි වෙමින් සහ ගෝල්ෆේස් විරෝධතාකරුවන්ට සහය දක්වමින් සියලුම රාජ්‍ය සේවකයන් ලබන 20වනදා ජාතික විරෝධතා දිනයක් නම් කර කළු පැහැයෙන් සැරසී රාජකාරිය වෙත පැමිණෙන බවයි ඒ මහතා පවසන්නේ.
එමෙන්ම, ජන හඬට සවන් නොදී ජනාධිපතිවරයා ප්‍රමුඛ රජය දිගින් දිගටම රැඳී සිටීමට උත්සහ කළහොත් අප්‍රේල් මස 28වනදා සංකේත වැඩ වර්ජනයක් සිදු කරන බවත් ඔහු පවසනවා.
මෙම අවස්ථාවට වෘත්තීය සමිති නායකයන් රැසක් සහභාගීව සිටියා.
