චීනයේ බීජිංහි 2022 වර්ෂයේදී පැවැත්වෙන සීත සෘතු ඔලිම්පික් උළෙල වර්ජනය කිරීමට අදාළ යෝජනාවක් බ්‍රිතාන්‍ය පාර්ලිමේන්තුවේ මහජන මන්ත්‍රී මණ්ඩලය විසින් ඒකමතිකව සම්මත කරගෙන තිබේ.
ඒ අනුව චීනය විසින් ෂින්ජියෑන්ග් ප්‍රාන්තයේ උයිගුර් ජනවර්ගය කේන්ද්‍ර කරගෙන සිදුකරනු ලබන මානව හිමිකම් උල්ලංඝනය නොකරන්නේ නම් අදාළ උළෙලට බ්‍රිතාන්‍යයේ කිසිදු රාජ්‍ය තාන්ත්‍රික නිලධාරියෙකු සම්බන්ධ නොවනු ඇති බව සදහන් වේ.
අදළ යෝජනාව පිළිබද පාර්ලිමේන්තු විවාදයට එක්වූ බ්‍රිතාන්‍යය මන්ත්‍රීවරුන් බහුතරයක් ප්‍රකාශ කර ඇත්තේ චීනයට එරෙහිව කටයුතු කිරීම දැඩි කිරීමට රජය පියවර ගත යුතු බවයි.
චීනය සහ බ්‍රිතාන්‍යය අතර මේ වනවිට උද්ගතව ඇති උණුසුම් දේශපාලන වාතාවරණය හේතුවෙන් දෙපාර්ශවයම එකිනෙකාට එරෙහිව විවිධ තීන්දු තීරණ ගනිමින් සිටියි.
පසුගියදා චීනය විසින් බ්‍රිතාන්‍යයට එරෙහිව එක්සත් ජාතීන්ගේ මානව හිමිකම් කවුන්සිලයට යෝජනාවක් ද ඉදිරිපත් කරනු ලැබිණ.
