2021 වසරට අදාළ අයවැය වාර්තාව නොවැම්බර් 17 වන දින පාර්ලිමේන්තුවට ඉදිරිපත් කිරීමට නියමිත බව වාර්තා වේ.
අග්‍රාමාත්‍ය මහින්ද රාජපක්ෂ එම අයවැය වාර්තා පාර්ලිමේන්තුවට ඉදිරිපත් කිරීමට නියමිතය. අයවැය දෙවනවර කියවිමේ විවාදය දින 04ක් පැවැත්වීමට නියමිත අතර එය නොවැම්බර් 18, 19, 20 සහ 21 දින දක්වා පැවැත්වෙනු ඇත.
අයවැය විවාදය උදෑසන 10.30 සිට සවස 05.30 දක්වා පැවැත්වීමට නියමිතය. දෙවනවර කියවීමේ ඡන්ද විමසීම නොවැම්බර් 21 වන දින සවස 05.00ට සිදුකිරීමට නියමිතය.
තවද අයවැය කාරක සභා අවස්ථා විවාදය නොවැම්බර් 23 වන දින සිට දෙසැම්බර් 10 වනදා දක්වා පැවැත්වීමට නියමිත අතර තුන්වන කියවීමේ ඡන්ද විමසීම දෙසැම්බර් 10 දින සවස පැවැත්වේ.
