ඉන්ධන මිල අඩු වුවත් බස් ගාස්තු සංශෝධනයක් සිදු නොකරන බව ජාතික ගමනා ගමන කොමිෂන් සභාව පවසනවා.
නිවේදනයක් නිකුත් කරමින් එම කොමිෂන් සභාව පැවසුවේ පසුගිය 30 වැනිදා මධ්‍යම රාත්‍රීයේ සිට ලංකා සුදු ඩීසල් ලීටරයක මිල රුපියල් 333ක් දක්වා රුපියල් 30 කින් අඩු කිරීම අදාළ මිල සූත්‍රයට ගැලපූ විට සමස්ත කිලෝමීටර එකක ධාවන පිරිවැයට බස් ගාස්තු සංශෝධනයකට ප්‍රමාණවත් ප්‍රතිශතයකින් බලපෑමක් සිදු නොකරන බවයි.
මීට පෙර ඉන්ධන මිල ඉහළ දැමුණු අවස්ථා දෙකේදීම බස් ගාස්තු සංශෝධනයක් සිදුනොවූ බැවින් යළි ගාස්තු සංශෝධනය සිදුකළ යුතු වන්නේ ලබන ජුලි මාසයේ දී බව බස් සංගම් පැවසුවා.
