ලබන ජූලි මාසයේ සිදුකිරීමට නියමිත පකිස්තාන ක්‍රිකට් පිලේ එංගලන්ත සංචාරයේ තරඟ නැරඹීමට පකිස්තානයේ රූපවාහිනී ප්‍රේක්ෂකයන්ට ඉඩ නොලැබෙන තත්වයක් නිර්මාණය වී ඇතැයි වාර්තා වේ.
ඒ පකිස්තාන කැබිනට් මණ්ඩලය විසින් අදාළ තරග විකාශයන් ඉන්දීය රූපවාහිනී නාලිකා ඔස්සේ ලබාගැනීම සදහා වන ගිවිසුම් අත්සන් කිරීමට ඉඩ ලබාදීම ප්‍රතික්ෂේප කිරීමත් සමගිනි.
ඉන්දියාවේ සෝනි සහ ස්ටාර් නාලිකා මෙම තරග විකාශනය කිරීමේ අන්තර්ජාතික අයිතිය හිමිකරගත් නාලිකාවන් වේ.
එම නාලිකා දෙකෙන් තරඟ විකාශයන් ලබාගෙන ඒවා පකිස්තානය තුළ විකාශය කිරීමට පකිස්තාන ජාතික රූපවාහිනිය එරට රජයෙන් අවසර ඉල්ලා තිබිණ.
දේශපාලන හේතු මත කැබිනට් මණ්ඩලය මේ අවසර ලබාදීම ප්‍රතික්ෂේප කිරීම හේතුවෙන් පකිස්තාන ක්‍රිකට් ප්‍රේක්ෂකයන්ට එම තරඟ නැරඹීම ගැටලුවක් වනු ඇතැයි එරට මාධ්‍ය වාර්තා කරයි.
