දැනට අස්වැසුම ප්රතිලාභ ලබමින් සිටින නමුත් රජය නොමිලේ ලබාදෙන සහල් ලබා ගැනීම සඳහා නොපැමිණි පිරිස සම්බන්ධයෙන් වාර්තාවක් කැඳවා ඇති බව මුදල් රාජ්ය අමාත්ය ෂෙහාන් සේමසිංහ මහතා පවසනවා.
මුදල් අමාත්යාංශයේ සංවර්ධන මූල්ය දෙපාර්තමේන්තුව විසින් අදාළ වාර්තාව සකස් කරමින් පවතින අතර එම වාර්තාව ලබන සතිය වන විට තමා වෙත ලැබීමට නියමිත බව අමාත්යවරයා සඳහන් කළා.
නොමිලේ සහල් ලබා දීම සිදු කළේ මෙරට වෙසෙන වඩාත් ම දිළිඳු පවුල් ඉලක්ක කරගෙන වන අතර අස්වැසුම ප්රතිලාභීන්ට එය අනිවාර්යයෙන්ම හිමි වන බව සේමසිංහ මහතා පැවසුවා.
නමුත් අදාළ සහල් ලබා ගැනීම සඳහා එම ස්ථානවලට යාමේ අවශ්යතාව පවතින බැවින් කිසියම් පාර්ශ්වයක් වංචා සහගත ලෙස අස්වැසුම ලබා ගන්නේ නම් සිය අනන්යතාව හෙළිවේයැයි යන සැකය මත කිසිවකු එය ලබා ගැනීමට ඉදිරිපත් නොවූවේ නම් එය හඳුනා ගැනීම සඳහා මෙම වාර්තාව පහසුවක් වනු ඇති බවත් අමාත්යවරයා සඳහන් කළා.