විදේශ විනිමය අර්බුදය හේතුවෙන් තම දරුවන්ගේ අධ්යාපන කටයුතු සඳහා අවශ්ය මුදල් පිටරට යැවීමට නොහැකිව ඇති බව විදෙස් අධ්යාපනය ලබන සිසුන්ගේ දෙමාපියන් සඳහන් කර සිටිනවා.
එමෙන්ම විදෙස් අධ්යාපනය ලැබීමට සුදුසුකම් ලබා ඇති සිසුන්ට ඒ සඳහා විශ්ව විද්යාලයට ගෙවීමට ඇති මුදල්ද ගෙවීමට නොහැකි තත්වයක් උදා වී ඇති බවයි ඔවුන් පෙන්වා දෙන්නේ.
ඩොලර් පිටරටට යැවීම නතර කිරීමේ ආර්ථික ප්රතිපත්තිය හේතුවෙන් විදේශ විශ්වවිද්යාල වලට යැවීමට මුදල් ලබා ගැනීම මෙරට බැංකු විසින් නවතා ඇති බවද එබැවින් දැනට විදෙස් ගතව සිටින සිසුන් මෙන්ම විදෙස්ගත වීමට අපේක්ෂාවෙන් සිටින සිසුන්ද දැඩි අපහසුතාවයකට පත්ව ඇති බවද ඔවුන් පෙන්වා දෙනවා.
වීසා ලබා ගැනීම අපහසු කාර්යක් බැවින් එම වීසා අවලංගු වීමේ අවදානමක් පැවතීම බරපතල තත්වයක් බවට පෙන්වා දෙන ඔවුන් වැඩිදුරටත් පෙන්වා දෙන්නේ මෙසේ අධ්යාපනය ලබන සිසුන් අධ්යාපනයෙන් අනතුරුව විදෙස් විනිමය ඉපයීමට දායක වන බැවින් විදෙස් විනිමය ඉතිරිකර ගැනීමට යැයි පවසා ගන්නා මෙවැනි ක්රියාමාර්ග අනාගතයේ මෙරටට ලැබීමට ඇති විදෙස් ව්නිමය නතර කරගන්නා අදූරදර්ශී ක්රියාමර්ගයක් බවයි.