පාස්කු කොමිෂන් සභා වාර්තාවෙන් වරදකරුවෙකු ලෙස නම් කර තිබෙන හිටපු ජනාධිපති මෛත්‍රිපාල සිරිසේන මහතා එළැඹෙන ජනාධිපතිවරණයටද තරඟ කිරීමට සූදානම්වන්නේ රෙදි ඇඳගෙනදැයි අගරදගුරු අතිඋතුම් මැල්කම් කාදිනල් රංජිත් හිමිපාණන් ප්‍රශ්න කර සිටිනවා.
උන්වහන්සේ මේ බව පැවසූයේ අද (04) උදෑසන කොළඹ කොටහේන ශාන්ත ලුසියා ආසන දෙව් මැදුරේදී පැවති පාස්කු ඉරුදින දේවමෙහෙයෙන් අනතුරුවයි.
පාස්කු ප්‍රහාරයට සම්බන්ද ඇතැම් පුද්ගලයින් මේ වන විට පාර්ලිමේන්තුවේද නිදැල්ලේ සැරිසරන බවත් මේ සම්බන්දයෙන් ආණ්ඩුව එළැඹෙන 21 වනදාට පෙර නිසි ක්‍රියාමාර්ගයක් නොගතහොත් දැඩි ක්‍රියාමාර්ගයකට යොමුවන බවත් කාදිනල් හිමියන් මාධ්‍යවෙත අදහස් දක්වමින් පවසා සිටියා.
කොමිෂන් සභාවක් හරහා මීට අදාල වගකිව යුතු පුද්ගලයින් නම් කර තිබෙන තත්ත්වයක් තුළදීත් ඔවුනට දඩුවම් නොදී ආණ්ඩුව ඔවුන්ව තෝරා බේරා ආරක්ෂා නොකල යුතු බවද උන්වහන්සේ වැඩිදුරටත් සදහන් කළා.
ඊට අදාළ දර්ශන පහතින්,
