ඊයේ (04) රාත්රියේ පැවති Mrs. Sri Lanka තරඟාවලියේ අවසන් වටයේ තරඟයේදී ඇතිවූ සිදුවීමත් සමඟම පසුගිය වසරේ ලෝක විවාහක රූ රැජිණ බවට පත්වූ කැරොලයින් ජූරි මහත්මිය මේ වන විට අර්බුද රාශියකට මුහුණ දී තිබෙනවා.
ඇය විසින් ප්රසිද්ධියේ තමන්ට අපහාස කිරීම හා ශාරීරික වධහිංසා කිරීම පිළිබදව පුෂ්පිකා ද සිල්වා මහත්මිය මේ වන විට පොලිසියට පැමිණිල්ලක් ඉදිරිපත් කර තිබෙනවා.
ඒ සම්බන්ධයෙන් වන විමර්ශනයට කටඋත්තරයක් ලබාදීම සඳහා පොලීසියට පැමිණෙන ලෙසට ඇයට දැනුම්දීමට පොලීසිය විසින් ලබාදෙන ලද දුරකතන ඇමතුම්වලට හෝ ඇය ප්රතිචාර නොදක්වන බවට තොරතුරු වාර්තා වනවා.
කැරොලයින් ජූරි මහත්මිය විසින් පුෂ්පිකා මහත්මියට පළදවා තිබූ කිරුළ ගලවා ගැනීමේදී ඇයගේ හිස් කබලට සිදුවූ හානි හේතුවෙන් පුෂ්පිකා මහත්මිය මේ වන විට රෝහල්ගත කර තිබෙනවා.
එමෙන්ම Mrs. Sri Lanka තරඟාවලියේ ජාතික සංවිධායක චන්දිමාල් ජයසිංහ මහතා පවසන්නේ කැරොලයින් ජූරි මහත්මියට සිය ලෝක විවාහක රූ රැජින කිරුළද අහිමිව යෑමේ අර්බුදයක් ඇතිව ඇති බවයි.
මේ සම්බන්දයෙන් වන විමර්ශනයන් සඳහා තමන්ද පොලීසියට සහය වන බවත්, කැරොලයින් ජූරි මහත්මියගේ හැසිරීම ඇයගේ සැමියා පවා ප්රතික්ෂේප කර තිබෙන බවත් චන්දිමාල් මහතා පවසනවා.