ලංකා ගුරු සංගමයේ ප්‍රධාන ලේකම් ජෝසප් ස්ටාර්ලින් මහතා හට කොළඹ අපරාධ කොට්ඨාසය වෙත පැමිණෙන ලෙසට කැඳවීමක් කර තිබෙනවා.
ඒ පසුගියදා පැවති උද්ඝෝෂණයක් සම්බන්ධයෙන් ප්‍රකාශයක් ලබාගැනීමටයි.
ජෝසප් ස්ටාර්ලින් මහතාව මීට පෙර උද්ඝෝෂණක් සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කෙරුණු අතර මීට දින කිහිපයකට පෙර මුදාහැරුණා.
මේඅතර ඊයේ (13) රාත්‍රි 11ට පමණ අරගල භූමියේ ක්‍රියාකාරී සාමාජිකයෙකු වූ කොස්වත්තේ මහානාම හිමි වැඩ සිටින විහාරස්ථානය වෙත පොලීසිය පැමිණ තිබෙනවා.
විහාරස්ථානයේ ගේට්ටුව විවෘත නොකිරීම හේතුවෙන් එම නිලධාරීන් පිරිස ආපසු හැරීගොස් අතර නැවත වරාය පොලීසියේ වැඩබලන පොලිස් ස්ථානාධිපතිවරයා සිවිල් ඇදුමෙන් සැරසී පන්සල වෙත අද (14) උදෑසන පැමිණි බවයි වාර්තා වන්නේ.
ජනාධිපති මන්දිරයට අයුතු ඇතුල්වීමේ චෝදනාවට කටඋත්තරයක් ලබාගැනීමට යැයි පවසා උන්වහන්සේව රැගෙන යාමට උත්සහ දරා තිබෙනවා.
කෙසේවෙතත් කොස්වත්තේ මහානාම හිමියන් නීතිඥවරයෙක් මාර්ගෙයෙන් පොලීසියට පැමිණෙන බව පොරොන්දු වූ පසුව වැඩබලන ස්ථානාධිපති විහාරස්ථානයෙන් නික්ම ගොස් තිබුණා.
