ප්රජාතන්ත්රවාදය අවසන් කිරීමේ පියවරක කොටසක් ලෙස චීනය ජාතික ආරක්ෂාවට තර්ජනයක් වන බව පවසමින් සිය චිත්රපට වාරණය කිරීමට සූදානම් වන බව හොංකොං බලධාරීන් පවසනවා.
පසුගිය වසරේ දී බීජීනය හොංකොං නගරය සඳහා දැඩි ආරක්ෂක නීතියක් හඳුනවා දී ඇති අතර එමඟින් ප්රජානත්ත්රවාදය වෙනුවෙන් පෙනී සිටින ක්රියාකාරීන් රැසක් සිරගත කිරීමට කටයුතු කර තිබෙනවා.
මේ පිළිබඳ නිවේදනයක් නිකුත් කරමින් හොංකොං රජය පවසන්නේ චිත්රපට වාරණ ආඥා පනතේ නව සංශෝධනයන්ට අනුව ජාතික ආරක්ෂාවට තර්ජනය වන ඕනෑම ක්රියාවක් නිරූපණය කිරීම වරදක් ලෙස අර්ථ දක්වමින් වාරණය කිරීමට දැන් හැකියාව ඇති බවයි.
මෙම තීරණයත් සමඟ හොංකොංහි චිත්රපට වාරණ නියාමන පද්ධතිය චීනය විසින් දැඩිව නිරීක්ෂණය කරනු ඇති බව පැවසෙනවා.
එමෙන්ම කොමියුනිස්ට් පක්ෂය විවේචනය කරන චිත්රපට වෙත දැඩි වාරණ එල්ල වනු ඇති බවට ද සැක පළ වෙනවා.