මහ බැංකු අධිපති ආචාර්ය නන්දලාල් වීරසිංහ මහතා ඇතුළු මහ බැංකුවේ ප්රධානීන් අද (04) අමාත්ය මණ්ඩල හමුවට කැඳවා තිබෙනවා.
ඒ, මහ බැංකු නිලධාරීන්ගේ වැටුප් 70% කින් ඉහළ නංවා ගැනීමේ සිද්ධිය සම්බන්ධයෙන් කරුණු විමසීම සඳහායි.
පසුගිය සඳුදා අමාත්ය මණ්ඩල රැස් වූ අවස්ථාවේදී මහ බැංකු නිලධාරීන්ගේ වැටුප් ඉහළ නංවාගැනීම සංවාදයට ගැණුනු අතර එහිදී තීරණය කර ඇත්තේ මේ සම්බන්ධයෙන් කරුණු විමසීම සඳහා මහ බැංකු අධිපතිවරයා ඇතුළු ප්රධානීන් අමාත්ය මණ්ඩලය හමුවට කැඳවීමටයි.
මේ අතර, මහ බැංකුවේ ප්රධානීන් හෙට( 05) රජයේ මුදල් පිළිබඳ කාරක සභාව හමුවට සහ පක්ෂ නායක රැස්වීමකටද කැඳවා තිබෙනවා.
ඒ, පාර්ලිමේන්තුව හමුවේදී අනාවරණ වූ මහ බැංකු නිලධාරීන්ගේ වැටුප් වැඩි කරගැනීම සම්බන්ධයෙන් තවදුරටත් කරුණු විමසීමටයි.
ඒ අනුව පක්ෂ නායක රැස්වීම හෙට පෙරවරු 10.30ට පැවැත්වීමට නියමිත අතර, ඉන් අනතුරුව රජයේ මුදල් පිළිබඳ කාරක සභාව හමුවේ මහ බැංකු නිලධාරීන් පෙනී සිටිමට නියමිත බවට වාර්තා වනවා.