වාරිමාර්ග අමාත්යවරයා ලෙස සහ රාජ්ය ආරක්ෂක, ස්වදේශ කටයුතු හා ආපදා කළමනාකරණ රාජ්ය අමාත්යවරයා ලෙස කැබිනට් අමාත්ය ධූරයක් හා රාජ්ය අමාධ්ය ධූරයක් හෙබවූ චමල් රාජපක්ෂ මහතාට තවත් රාජ්ය අමාත්යාංශයක් ලබාදී තිබෙනවා.
මෙතෙක් එක් අමාත්යාංශයක් යටතේ පැවති රාජ්ය ආරක්ෂක, ස්වදේශ කටයුතු හා ආපදා කළමනාකරණ අමාත්යාංශය පසුගියදා ගැසට් නිවේදනයක් මගින් අමාත්යාංශ දෙකක් බවට පත් කෙරුණා.
ඒ අනුව රාජ්ය ආරක්ෂක හා ආපදා කළමනාකරණ අමාත්යාංශය හා ස්වදේශ කටයුතු අමාත්යාංශය මේ වන විට අමාත්යාංශ දෙකක් ලෙස විෂයන් වෙන් කර තිබෙනවා.
එහිදී පිහිටවූ නව අමාත්යාංශ දෙකෙහිම රාජ්ය අමාත්යවරයා ලෙස චමල් රාජපක්ෂ මහතා අද ජනාධිපතිවරයා ඉදිරියේ දිවුරුම් දුන්නා.
ඒ අනුව චමල් රාජපක්ෂ මහතා මේ වන විට අමාත්ය ධූරයක් හා රාජ්ය අමාත්ය ධූර දෙකක් දරනු ලබනවා.