31 C
Colombo
Friday, April 19, 2024

කොල්ලුපිටියෙ ආචාරියා’ රටේ ආර්ථිකය වැට්ටුවා – චම්පික

- Advertisement -

‍රට දරුණු ආර්ථික අර්බුදයට ගමන් කිරීමට ප්‍රධාන හේතුවක් වන්නේ රජය විසින් සිය ගජමිතුරන්ට ආර්ථික වාසි ලබා දීම නිසා බව පාර්ලිමේන්තු මන්ත්‍රී පාඨලී චම්පික රණවක මහතා පවසනවා.

ඒ මහතා මේ බව ප්‍රකාශ කර සිටියේ අද (11) දින පාර්ලිමේන්තුව අමතමින්.

ආනයන සීමා කිරීම හරහා දේශීය නිශ්පාදන දිරිගැන්වීමට අපේක්ෂා කෙරෙන බවට රජය විසින් ප්‍රකාශ කළද තහනම් කළ ආනයන වල සංයුතිය තුල පාරිභෝගික භාණ්ඩ ඇතුලත් වන්නේ 20%ක් පමණක් බවත් ඉන් 60%ක් අතරමැදි භාණ්ඩ සහ 20%ක් ආයෝජන භාණ්ඩ වන බවත් පෙන්වා දෙන ඒ මහතා වැඩිදුරටත් පෙන්වා දෙන්නේ රටේ ඉදිකිරීම් ක්ෂේත්‍රය, කර්මාන්ත ක්ෂේත්‍රය හා වාණිජ ක්ෂේත්‍රයට මෙම අදූරදර්ශී ආනායන තහනමෙන් මරු පහරක් එල්ල වී ඇති බවයි.

“ඇත්ත හේතුව මොකක්ද? ඇත්ත හේතුව තමයි 2019 දෙසැම්බර් පළවෙනිදා ගෙනාවා අපි කවුරුත් දන්න ‘ආර්ථික පුනර්ජීවන පොට්ටනිය’. ඒමඟින් මොකද කළේ? ඒ මගින් මේ රටේ ඉහළම ධනපතියන්ට බදු සහනයක් ලබාදීලා ඒ බදු සහනයෙන් රාජ්‍ය ආදායම අඩකින් අඩු කර ගත්තා. ඒ විතරක් නෙවෙයි මේ රටේ වැඩකරන ජනතාවගේ EPF එක, ETF එක අඩු මුදලකට භාණ්ඩාගාර බිල්පත් සහ බැඳුම්කර වල දාලා ඒ වැඩ කරන ජනතාවගේ ධනය සූරාකාලා තමයි ව්‍යාපාරික පන්තියට කෘතිමව අඩු පොළියක් ඇති කරලා තියෙන්නේ.” යැයි ඒ මහතා පවසයි.

විදේශ ශ්‍රේණිගත ආයතන විසින් ශ්‍රී ලංකාවේ මට්ටම පහත හෙළීමට හේතුව වන්නේද මෙම ‘ආර්ථික පුනර්ජීවන පොට්ටනිය’ බවත් ඒ මහතා පවසනවා.

“මේ රටේ ප්‍රසිද්ධ කියමනක් තියෙනවා. ඒක පොඩ්ඩක් වෙනස් කරලා කිව්වොත්,
එකක් කඩතොළු මකා ගන්නට ගොසින් සිරිලකට වූ කාරියා
දෙකක් කඩතොළු තනා දුන්නයි කොල්ලුපිටියෙ ආචාරියා

කියලා කියන්න පුළුවන්. ආචාරියා කවුද කියලා කවුරුත් දන්නවා. දුන්නු දැවැන්ත බදු සහන නිසා රාජ්‍ය ආදායම කඩා වැටිලා. ණය ගෙවා ගන්නට බැරි තත්වයකට අද රට පත්වෙලා තියෙනවා.” යැයි ඒ යැයි හිටපු අමාත්‍යවරයා පෙන්වා දෙනවා.

පාර්භෝගික භාණ්ඩ සම්බන්ධයෙන් අදහස් දක්වමින් ඒ මහතා පෙන්වා දෙන්නේ 2019ට සාපේක්ෂව එලවළු පළතුරු, කිරි ආහාර වල ආනයනය ඉහළ ගොස් ඇති බවයි. එමෙන්ම, සීනි 38%ක් සහ තෙල් හා මේද 237%කින් ආනයනය ඉහළ ගොස් ඇති බවත් ඒ මහතා පෙන්වා දෙනවා. ආණ්ඩුවේ ගජමිතුරන්ට මෙම භාණ්ඩ වලින් ගසා කෑමට ඉඩ දීමේ ප්‍රතිඵලයක් ලෙසට මෙම තත්වය උදා වී ඇති බවටයි පාඨලී චම්පික රණවක මහතා චෝදනා කර සිටින්නේ.

“පටන් ගත්තෙම මේ රටේ නිර්ධන පංතිය ගැන කතා කරලා, රතු කොඩිය වනලා, වැඩ කරන ජනතාව ගැන කතා කරලා. හැබැයි, අද වැඩ කරන ජනතාවගේ අර්ථසාධකයට ගහලා ධනපතියන්ට අඩු ගානට පොලී ලබා දීලා තියනවා. ඒකෙන් මේ ආර්ථිකය වර්ධනය වෙලා නෑ. ඒ වගේම, ආනයන ක්‍රියාවලිය සීමා කරන්න ගහන ගැසට් ගහලා, රේගු නිලධාරීන්ට චෝදනා කරමින් කරන් යන්නේ මොකක්ද? තමන්ගේ ගජමිතුරු කල්ලියක් බිහි කර ගැනීම පමණයි. ආනයන සීමාවන් හරහා මේ රට තුල සිදු වෙමින් පවතින්නේ ජාතික මංකොල්ලයක්!” යැයි ඒ මහතා වැඩි දුරටත් පවසයි.

RECENT ARTICLES - SINHALA

අපේක්ෂකයා නැතත් පොහොට්ටුව තියනවා-නාමල් (වීඩියෝ)

ඉදිරි ජනාධිපතවරණය සඳහා ශ්‍රී ලංකා පොදුජන පෙරමුණෙන් අපේක්ෂකයෙක් ඉදිරිපත් කරන බව පාර්ලිමේන්තු මන්ත්‍රී නාමල් රාජපක්ෂ මහතා පවසනවා. මාධ්‍ය වෙත අදහස් දක්වමින් මන්ත්‍රීවරයා සඳහන් කළේ අපේක්ෂකයා...

අයිස් සමග නාවික හමුදා ලොක්කෝ දෙදෙනෙකුත් මාට්ටු

ශ්‍රී ලංකා නාවික හමුදාවේ ලුතිනන් කමාන්ඩර්වරුන් දෙදෙනෙකු ඇතුළු සැකකරුවන් 4 දෙනෙකු මුල්ලේරියාව පොලිසිය විසින් අද (19) අත්අඩංගුවට ගෙන තිබෙනවා. ඒ අයිස් මත්ද්‍රව්‍ය ග්‍රෑම් 510ක් සන්තකයේ...

ඉස්සන් කර්මාන්තය දැඩි අර්බුදයක

ඉස්සන් කර්මාන්තය තවදුරටත් පවත්වාගෙන යාම සඳහා ගැටලු රැසක් පැනනැගී ඇති බව ඉස්සෝ වගාකරුවන් පවසනවා. ඔවුන් සඳහන් කරන්නේ මෙම අසීරු තත්ත්වය මත තම කර්මාන්තය තවදුරටත් පවත්වාගෙන...

POPULAR ARTICLES

සාමාන්‍ය පෙළ සිසුන්ට විශේෂ දැනුම් දීමක්

2023 /24 අධ්‍යයන පොදු සහතික පත්‍ර සාමාන්‍ය පෙළ විභාගයට පෙනී සිටින සිසුන් සඳහා විභාග ප්‍රවේශ පත්‍ර නිකුත් කිරීම ලබන සතියේ ආරම්භ කරන බව විභාග...

අද ඩොලරය

ශ්‍රී ලංකාවේ වාණිජ බැංකුවල එක්සත් ජනපද ඩොලරයේ අගයට සාපේක්ෂව අද (17) දිනයේ ශ්‍රී ලංකා රුපියල සුළු වශයෙන් අවප්‍රමණය වී තිබෙනවා. ඒ අනුව, අද...

අද ඩොලරය

එක්සත් ජනපද ඩොලරයට සාපේක්ෂව ශ්‍රී ලංකා රුපියල අද (15) ස්ථාවර මට්ටමක පවතිනවා. ශ්‍රී ලංකා මහ බැංකුව විසින් අද දින නිකුත් කරන ලද දෛනික විනිමය අනුපාතික...