ඕස්ට්රේලියානු අගමැති ස්කොට් මොරිසන් සහ නවසීලන්ත අගමැතිනි ජසින්ඩා ආර්ඩන් වගකීම් විරහිතව හැසිරෙන බවට චීනය චෝදනා කරයි.
චීන විදේශ අමාත්යාංශය සදහන් කරන්නේ දකුණු චීන මුහුදේ අර්බුද සහ ෂින්ජියෑන්ග් ප්රාන්තයේ මානව හිමිකම් සම්බන්ධයෙන් කරැණු දක්වමින් මෙම නායකයන් දෙපළ සිදුකළ ඒකාබද්ධ ප්රකාශයට තම රට නිල වශයෙන් විරෝධය පළකරන බවයි.
පසුගියදා නවසීලන්තයේ පැවති ද්විපාර්ශවිකව සාකච්ඡාවකින් අනතුරුව ස්කොට් මොරිසන් සහ ජසින්ඩා ආර්ඩන් ඒකාබද්ධ ප්රකාශයක් නිකුත් කළහ.
එහිදී ඔවුන් දකුණු චීන මුහුද ආශ්රිතව චීනයේ හැසිරීම හෙළාදුටු අතර ෂින්ජියෑන්ග් ප්රාන්තයේ සිදුවන බව මානව හිමිකම් උල්ලංඝණය කිරීම් සම්බන්ධයෙන්ද අදහස් දක්වා තිබිණ.
මේ සම්බන්ධයෙන් එක්සත් ජාතීන්ගේ සංවිධානය සහ අනෙකුත් අනුබද්ධ සංවිධාන විසින් සිදුකරන පරීක්ෂණ සදහා සහය දෙන ලෙසද ඔවුන් එම නිවේදනය මගින් අවධාරණය කර තිබිණ.
මෙම නිවේදනය විවේචනය කරමින් චීන විදේශ අමාත්යාංශය වැඩිදුරටත් සදහන් කර ඇත්තේ මෙය තම රටේ ජාත්යන්තර සබදතා ප්රතිපත්තියට සිදුකළ අනවශ්ය මැදිහත්වීමක් බවයි.