මේ වනවිට චීනය බරපතල බලශක්ති අර්බුදයකට මුහුණ දී ඇතැයි විදෙස් මාධ්ය වාර්තා කර තිබේ.
නියගය ඇතුළු දේශගුණික ගැටලු, බලශක්ති ඉල්ලුමේ සීඝ්ර ඉහළයාම සහ ගල්අගුරු භාවිතය ආශ්රිත සීමා මෙම තත්වය උග්ර කර ඇතැයි වාර්තා වේ.
එරට මාධ්ය වාර්තා කරන්නේ ගුවන්ඩොන්ග්, යුනාන්, ගුවන්ෂු, ෂීජියැන්ග් ඇතුලු ප්රාන්ත 12 ක් පමණ මෙම ගැටලුව බරපතල ලෙස පවතින බවයි.
මේ තත්වය හේතුවෙන් ඇතැම් ප්රාන්තවල කර්මාන්ත ශාලා සතියකට දින කිහිපයක් වසා තැබීමට සිදුව ඇතැයිද එම වාර්තාවල දැක්වේ.
2011 වර්ෂයේ ද චීනය මෙවැනිම අර්බුදයකට මුහුණ දුන් අතර වරින්වර මතුවන මෙවැනි බලශක්ති අර්බුද හේතුවෙන් 2060 වනවිට කාබන් විමෝචයෙන් තොර රටක් බවට පත්වීමේ චීනයේ ඉලක්කයට බාධා මතුකරනු ඇතැයි විශ්ලේෂකයෝ පෙන්වා දෙති.