ඊශ්‍රායලයේ රාජ්‍ය සහ පෞද්ගලික ආයතන රැසකට චීනයේ සිට සයිබර් ප්‍රහාර එල්ල වී ඇතැයි ජෙරුසෙලම් පෝසට් පුවත්පත වාර්තා කර තිබේ.
ව්‍යාපාරික දත්ත සොරා ගැනීමේ අරමුණින් මෙම සයිබර් ප්‍රහාරය එල්ල වී ඇති බව ද ෆයර්අයි සයිබර් ආරක්ෂණ ආයතනය උපුටා දක්වමින් එම පුවත්පත වැඩිදුරටත් වාර්තා කර ඇත.
ඊශ්‍රායලයට පමණක් නොව ඉරානය සවුදි අරාබිය ඇතුළු තවත් මැද පෙරදිග රටවල් රැසක ද වැදගත් ව්‍යාපාරික දත්ත රැසක් මේ අන්දමට සොරා ගෙන ඇති බව ෆයර් අයි උපුටා දක්වමින් ජෙරුසෙලම් පෝස්ට් වැඩිදුරටත් වාර්තා කරයි.
චීනයේ සිට සයිබර් ප්‍රහාර එල්ල වීම සම්බන්ධයෙන් රටවල් රැසක් මෑතකදී චෝදනා කළ අතර බටහිර ඕස්ට්‍රේලියාවේ පාර්ලිමේන්තුව මෙන්ම නෝර්වේ රාජ්‍යයේ පාර්ලිමේන්තුව ද එම ඉලක්ක අතර වූ බව සදහන් විය.
