චීනය කිසිවිටක ඇෆ්ගනිස්තානයට හමුදාමය මැදිහත්වීම් සිදුනොකරනු ඇති බවත් ආර්ථික ක්රියාකාරකම් හරහා මැදිහත්වීම් සිදුකරනු ඇති බවටත් වාර්තා පළවී තිබේ.
චීන විදේශ අමාත්ය වැන්ග් යී පසුගියදා තජිකිස්තානයේ පැවති ෂැන්හයි සහයෝගිතා සමුලුවෙන් අනතුරැව මාධ්ය වෙත ප්රකාශ කළේ චීනය ඇෆ්ගනිස්තානයේ සාමය, ස්ථාවරත්වය සහ ආර්ථික දියුණුව ඇති කිරීමට සහය දෙන බවයි.
කෙසේවෙතත් දේශපාලන විශ්ලේෂකයන් පෙන්වා දෙන්නේ චීනය පැරණි සෝවියට් දේශය සහ ඇමරිකාව මෙන් ඇෆ්ගනිස්තාන තුළ නිමක් නොවන යුද්දයකට සම්බන්ධවීමට සූදානම් නොමැති බවයි.
ඒ වෙනුවට තලේබාන් සංවිධානය මෙන්ම ඇෆ්ගනිස්තාන රජය සමගද ගනුදෙනු කරමින් සිය ආර්ථික අරමුණු සාක්ෂාත් කර ගැනීමට චීන කටයුතු කරනු ඇතැයි එම විශ්ලේෂකයන් පෙන්වා දී තිබේ.
කෙසේවෙතත් ඇෆ්ගනිස්තානය වැනි රටක එවැනි ආර්ථික අරමුණු ඉටු කර ගැනීමද පහසු කටයුත්තක් නොවනු ඇති බව අන්තර්ජාතික විශ්ලේෂකයන්ගේ අදහසයි.
ඇෆ්ගනිස්තානය සහ චීනය ගොඩබිම් දේශසීමාවක් ද බෙදාගන්නා අතර එහි දුර කිලෝමීටර් 76ක්.
මේ හේතුවෙන් ඇෆ්ගනිස්තානයේ ආරක්ෂක තත්වය මුලුමනින්ම නොතකා හැරීමට චීනයට නොහැකි වනු ඇති බවටද ඇතැම් විචාරකයන් සදහන් කර තිබේ.