චීනයට බලපා ඇති අධික උෂ්ණත්වය හමුවේ එරට ජාතික කාලගුණ මධ්යස්ථානය විසින් මේ දක්වා නිකුත් කර තිබූ රතු නිවේදන යළි අළුත් කර තිබේ.
විදෙස් මාධ්ය පැවසුවේ චීනයේ ගන්සු, ෂන්ක්සි, හෙනන්, අන්වැයි, සිච්වාන්, චොන්ජින්, හුබේ, හුනාන් සහ ෂේජියෑන් යන පළාත්වලට එලෙස අධික උෂ්ණත්වය පිළිබඳ රතු නිවේදන අළුත් කර ඇති බවයි.
එම ප්රදේශවල උෂ්ණත්වය සෙල්සියස් අංශක 40 ද ඉක්මවා ඇති බව විදෙස් මාධ්ය වාර්තා කර ඇත.
පවතින තත්ත්වය අනුව අධික උෂ්ණත්වයට මුහුණ දීම සඳහා හදිසි පියවර ගන්නා ලෙසත්, එලිමහන් ස්ථානවල පැවැත්වෙන උත්සව සහ වෙනත් පොදු කටයුතු අත්හිටුවන ලෙසටත්, අවදානම් ඛාණ්ඩවලට අයත් පුද්ගලයින් සම්බන්ධයෙන් අවධානය යොමු කරන ලෙසත් කාලගුණ අංශ බලධාරීන්ට උපදෙස් ලබාදී ඇතැයි විදෙස් මාධ්ය පවසයි.
පවතින තත්ත්වය අනුව උෂ්ණත්වය අධික ප්රදේශවලට අවශ්ය වුවහොත් කෘතිම වර්ෂාව ලබාදීමටත් අවධානය යොමුව ඇතැයි විදෙස් මාධ්ය වාර්තා කරයි.
ඇතැම් ප්රදේශවල ලැව්ගිනි අවදානමක් ද මතුව ඇතැයි විදෙස් මාධ්ය වාර්තා කළා.