ඉන්දියාවනු සහ නේපාලය සීමාවන්ට යාබද ‘ත්‍රිහන්දි’ මායිමේ සිට කිලෝමීටර කිහිපයක් උතුරින් මාබ්ජා සන්ග්බෝ ගඟේ දැවැන්ත වේල්ලක් ඉදිකිරීම චීනය වේගවත් කර ඇත. මෙමගින් චීනය ඉන්දියාව සමඟ අනාගත ජල යුද්ධයක් සඳහා සූදානම් වෙමින් සිටින බව වාර්තා සඳහන් කරයි.
එම ව්‍යාපෘතියේ නවතම චන්ද්‍රිකා ඡායාරූප මත පදනම්ව, වාර්තා පෙන්වා දෙන්නේ චීන වේල්ල උත්තරකාන්ද් ප්‍රාන්තයේ කලපානි ප්‍රදේශයට ඉතා ආසන්නව පිහිටා ඇති බවයි.
විශ්ලේෂකයන් පවසන්නේ චීනය උත්තරකාන්ද් අසල වේල්ලක් ඉදිකිරීමෙන් කලාපයේ ජලය පිළිබඳ පූර්ණ පාලනය සියතට ගැනීමට සැලසුම් කරමින් සිටින බවයි.
මීට අමතරව චීනය අරුණාචල් ප්‍රදේශ් ආසන්නයේද දැවැන්ත වේල්ලක් ඉදිකිරීමේ කටයුතු අවසන් කරමින් සිටී.
මූලාශ්‍රවලට අනුව මෙම වේල්ල හරහා බ්‍රහ්මපුත්‍ර ගඟේ ජල ප්‍රවාහය වෙනස් කිරීමට චීනයට හැකියාව ලැබේ. බ්‍රහ්මපුත්‍ර ගංගාව ඊසානදිගට පමණක් නොව බංග්ලාදේශයේ ද ජීවනාලිය වේ.
මෙය අරුනාචල් සහ ඇසෑම් ප්‍රදේශවල ජල හිඟයකට තුඩු දෙනු ඇති අතර, යාබද බොහෝ ප්‍රදේශ ගංවතුර තර්ජනයකටද ගොදුරු කරනු ඇතැයි පැවසේ.
