දීර්ඝ කාලයක් හොංකොංහි ක්‍රියාත්මක වූ මාධ්‍ය නිදහස සහ විරුද්ධ මත දැරීමේ අයිතිය,මර්දනය කිරීමට චීනය කටයුතු කරමින් සිටින බවට බ්‍රිතාන්‍යය චීනයට චෝදනා කර ඇත.
බ්‍රිතාන්‍යය විදේශ ලේකම් ඩොමිනික් රාබ් සදහන් කරන්නේ, ඒකාබද්ධ එකගතාවයන්ට අනුව යමින් හොංකොංහි මාධ්‍ය නිදහස ආරක්ෂා කිරීමට චීනය කටයුතු කළ යුතු බවයි.
1997දී බ්‍රිතාන්‍යය විසින් හොංකොං දේශය ස්වාධීන කලාපයක් ලෙස පවත්වාගෙනයාමේ එකගතාවය මත චීනයට යළි පවරා දුන් අතර එහිදී ඇති කරගත් මූලික එකගතාවයක් වූයේ එහි මාධ්‍ය නිදහස ඇතුලු ප්‍රජාතන්ත්‍රවාදී ගුණාංග එළෙසම පවත්වාගෙන යන බවයි.
චීනය එම එකඟතා කඩ කරන බවට මේ වනවිට චෝදනා නැගෙමින් ඇති අතර බ්‍රිතාන්‍යය විදේශ ලේකම්වරයා මෙහිදී යළි සිහිපත් කර ඇත්තේ ඒ පිළිබදවයි.
විදේශ ලේකම් ඩොමිනික් රාබ්ගේ මෙම ප්‍රකාශයට ආසන්නම හේතුව වන්නේ බලධාරීන් විසින් හොංකොංහි පළවන ඇපල් ඩේලි නම් පුවත්පතේ කර්තෘවරයා සහ අධ්‍යක්ෂවරැන් සිව්දෙනෙකු අත්අඩංගුවට ගැනීමයි.
