ඇෆ්ගනිස්තානයේ පවතින ගැටුම්කාරී වාතාවරණය හමුවේ සාමය සදහා පහසුකම් සපයන්නකු ලෙස චීන මැදිහත්වීමක් සිදුවිය හැකි බව විශේෂඥයන් පිරිසක් සදහන් කර තිබේ.
එම මැදිහත්වීම ආර්ථික සහ සංවර්ධන ප්‍රවේශයකින් ඔබ්බට ගිය එකක් විය හැකි බවට ද ඔවුන් පෙන්වා දී ඇත.
මේ වනවිට පවතින තත්වය තුළ ඇෆ්ගනිස්තානයේ පාලන බලය තවත් මාස තුනක් ඇතුළත තලේබාන් සංවිධානය වෙත සම්පූර්ණයෙන්ම නතුවීමේ අවදානමක් පවතී.
එහිදී මතුවිය හැකි දැවැන්ත ආර්ථික අර්බුදයට පිළියමක් ලෙස චීනයේ මැදිහත්වීමක් සිදුවිය හැකි බව විශ්වාස කෙරේ.
පසුගියදා චීන විදේශ අමාත්‍යාවරයා තලේබාන් සංවිධානය සමග සාකච්ඡාවක්ද පැවැත්වූ අතර එහිදී තලේබාන් සංවිධානය චීනයට අභියෝග නොකරන බවට පොරොන්දු වූ බව ද පැවසේ.
