වෙස්ට්මිනිස්ටර් හි පැවති II එලිසබෙත් රැජිනගේ අවමංගල උත්සවයට සහභාගී වීම චීන නියෝජිතයින් පිරිසකට තහනම් වූ බවට වාර්තා පළවී තිබේ.
කෙසේවෙතත්, එම තහනම චීන උප ජනාධිපතිවරයා වෙත ක්‍රියාත්මක වී නොමැති බව සදහන් වේ.
චීනයේ උප ජනාධිපති වැන්ග් කිෂාන් සමඟ පැමිණි දූත පිරිසට පරිශ්‍රයට ඇතුළුවීම තහනම් කර ඇත්තේ බොරු සහ සාවද්‍ය තොරතුරු පතුරුවා හැරීම සම්බන්ධයෙන් බ්‍රිතාන්‍ය පාරලිමේන්තු මන්ත්‍රීවරුන් හත් දෙනෙකුට චීනය විසින් සම්බාධක පනවා තිබීම හේතුවෙන් බව පැවසේ.
රැජිනගේ අවමංගල්‍යයට සහභාගී වීමට උප ජනාධිපතිවරයා බීජිං සිට සැතපුම් 5,000 ක් පියාසර කර පැමිණිය යුතු වූ අතර කථානායක ලින්ඩ්සේ හොයිල්ගේ තීරණය රජ මාලිගයෙන් ස්වාධීනව ගෙන තිබූ බව සදහන් වේ.
මේ පිළිබද කථානායක කාර්යාලය මුලින් අදහස් දැක්වීම ප්‍රතික්ෂේප කළේ එය ආරක්ෂාව පිළිබඳ ගැටළුවක් බව පවසමිනි.
වෙස්ට්මිනිස්ටර් ශාලාව පාර්ලිමේන්තු වතුයායේ කොටසක් වන බැවින්, එය පවතින්නේ කතානායකවරයාගේ පාලනය ය‍ටතේයි.
මෙම පියවර මෑත කාලයේ යම් පීඩනයකට ලක්ව ඇති එක්සත් රාජධානිය-චීන සබඳතා තවදුරටත් පළුදු කිරීමට ඉඩ ඇති බව විදෙස් වාර්තා පවසයි.
