ඒකාබද්ධ ජලවිදුලි ව්‍යාපෘති සම්බන්ධයෙන් පාකිස්තානය සහ චීනය අතර විශාල විරසකයක් ඇති කරමින් මේ වසරේ ජූලි මස මුල සිට වසා දැමූ තීරණාත්මක නීලම්-ජෙලම් ජලවිදුලි ව්‍යාපෘතිය (NJHPP) අලුත්වැඩියා කිරීම චීන ඉංජිනේරුවන් සහ කාර්ය මණ්ඩලය විසින් අත්හැර දමා ඇති බව වාර්තා වේ.
මෙම බලාගාරය පාකිස්ථාන පාලනය යටතේ ඇති කාශ්මීරයේ මුසාෆරාබාද් අසල පිහිටා තිබේ.
දේශීය විරෝධතා සහ පාකිස්ථාන පොලිසිය විශ්වාසනීය ආරක්ෂාවක් ලබා දීමට අපොහොසත් වීම , ව්‍යාපෘතිය අතහැරීම සම්බන්ධයෙන් වන හේතු ලෙස චීන සමාගම් විසින් පෙන්වා දී ඇති බව සදහන් වේ.
චීනය විසින් ඉදිකරන ලද පාකිස්තාන රුපියල් බිලියන 508ක් වැය වන මෙගාවොට් 969ක නීලම්-ජෙලම් බලාගාරය, උමං මාර්ග අවහිර වීම හේතුවෙන් දිගු ප්‍රමාදයන් සහ පිරිවැය ඉක්මවා ගොස් තිබේ.
බලාගාරයේ ජලය ගඟට හරවා යැවූ කිලෝමීටර් 3.5ක් දිග උමං මාර්ගයක බරපතළ දෝෂයක් මතු වී බලාගාරය සම්පූර්ණයෙන් වසා දැමීමට බල කෙරුණේ රට බරපතළ විදුලි අර්බුදයකට මුහුණ පා සිටි අවස්ථාවකය.
ව්‍යාපෘතිය අතහැර යාම සහ අකාර්යක්ෂම මෙහෙයුම් සම්බන්ධයෙන් පාකිස්ථාන බලධාරීන් චීන සමාගම් වෙත දොස් පවරා ඇතැයි ද විදෙස් වාර්තාවල දැක්වේ.
