පසුගියදා විවෘත කරන ලද නව නීතිපති කාර්යාලයේ E පුස්තකාලයෙහි සමරු ඵලකය හරහා ජාතික භාෂා ප්රතිපත්තිය උල්ලංඝණය වී ඇති බවට චෝදනා එල්ලවනවා.
නීතිපති දප්පුල ද ලිවේරා මහතා සහ ශ්රී ලංකාවේ චීන තානාපති කී. සෙන්හොංග් මහතා විසින් අදාළ සමරු ඵලකය විවෘත කර තිබෙනවා.
එම ඵලකයට අනුව ප්රථමයෙන් සිංහල භාෂාවත් දෙවනුව ඉංග්රීසි භාෂාවත් තෙවනුව චීන භාෂාවත් යොදා තිබෙනවා.
කෙසේ වෙතත් අදාළ ඵලකයෙන් දෙමළ භාෂාව ඉවත්වී ඇති අතර ඒ වෙනුවට චීන භාෂාව ආදේශනය වී ඇති බව දක්නට ලැබෙනවා.
මේ පිළිබදව අදහස් දක්වමින් ශ්රී ලංකාවේ චීන තානාපති කාර්යාලය පවසන්නේ අදාල ඉලෙක්ට්රොනික පුස්තකාලය චීන රජයේ හා චීන ජනතාව විසින් සපයන ලද අරමුදල්වලින් තැනූ ස්ථානයක් බවයි.
එම නිසා අදාළ සමරු ඵලකයට චීන භාෂාව යොදාගනිමින් චීනය කෙරෙහි දැක්වූ කාරුණිකභාවය ඉතා අගය කොට සලකන බවයි තානාපති කාර්යාලය සදහන් කරන්නේ.
