ජනප්රිය චීන පොප් ගායක Kris Wu බීජිං පොලිසිය අත්අඩංගුවට ගෙන තිබෙනවා. ඒ දූෂණ චෝදනාවකටයි.
Wu ට චෝදනා එල්ල කරනුයේ ප්රබල අන්තර්ජාල ක්රියාකාරිනියක ද වන Wu ගේ පෙම්වතිය බව කියන Du Meizhu විසින් වීම විශේෂත්වයක්.
ඇය පැමිණිලි කර තිබුණේ රංගනය සඳහා බඳවා ගන්නා බව පවසමින් Wu බාලවයස්කාරියන් සමග ලිංගික ක්රියාකාරකම්වල නිරත වන බවටයි.
එල්ල වූ චෝදනා සමග Wu දැඩි ලෙස සමාජ මාධ්යයේ විවේචනයට ලක් වූ අතර එම විරෝධය නිසාම ප්රබල සන්නාම සමග ඔහුගේ පැවති ගිවිසුම් ද අවලංගු වී තිබෙනවා.
ග්ලෝබල් ටයිම්ස් පුවත් සේවය වාර්තා කළේ Kris Wu විසින් ලිංගික ක්රියාකාරකම් සඳහා යොදා ගැනීමට තරුණියන් නැවත නැවත රැවටීමට ලක් කර ඇති බැවින් දූෂණය සම්බන්ධයෙන් කරන ලද පොලිස් විමර්ශන අනුව ඔහු අත්අඩංගුවට ගෙන ඇති බවයි.
එම විමර්ශන තවදුරටත් සිදුවන බවද පොලිසිය උපුටා දක්වමින් ග්ලෝබල් ටයිම්ස් පුවත් සේවය වාර්තා කර තිබෙනවා.
මෙම වාර්තාවන් සමග අන්තර්ජාල ක්රියාකාරීන් දැඩි ලෙස කියා සිටින්නේ ජනප්රියත්වය නොසලකා ඔහුට එරෙහිව නිසි පරිදි විමර්ශන සිදු කොට දඬුවම් ලබා දිය යුතු බවයි.
මෙම සිද්ධිය කරලියට පැමිණෙන්නේ චීනය තුල පැතිර යන #Metoo ව්යාපාරය හා සමගාමීවයි.
2008 සිට චීනය තුළ මෙය ක්රියාත්මක වන අතර කාන්තාවන්ට තමන්ට සිදුවූ ලිංගික බලහත්කාරකම් සම්බන්ධයෙන් අදහස් පළ කිරීමට එය මනා වේදිකාවක් සපයන අතර ඇතැම් සිද්ධීන් හා සම්බන්ධයෙන් ප්රබල චරිතද ඈඳී තිබුණි.