කොවිඩ්-19 වසංගතය පැමිණීමෙන් පසු ලංකාවේ අපනයන ආදායම දිගින් දිගටම අඩු වුණා. පසුගිය සතියේ එළිදැක්වූ අපනයන සංවර්ධන මණ්ඩලයේ දත්ත අනුව 2019 නොවැම්බර් මාසයේ ඇඟලුම් අපනයන ආදායම ඇමෙරිකන් ඩොලර් මිලියන 747.58ක්. එය ඊට පෙර අවුරුද්දේ නොවැම්බර් මාසයට වඩා සීයට 21ක අඩුවක්.
ඒත් නොවැම්බර් මාසයට කලින්, ඒ කියන්නේ ඔක්තෝබර් මාසයේදී තිබුණු අවුරුද්දෙන් අවුරුද්දට කඩාවැටීම සීයට 15ක් පමණයි. ඒ කියන්නේ 2019 ඔක්තෝබර් මාසයට වඩා 2020 ඔක්තෝබර් මාසයේදී කඩාවැටී තිබුණේ සීයට 15කින් විතරයි.
මේ දත්තවල තවත් පැත්තකින් බැලුවොත් යහපත් ලක්ෂණයක් පේනවා. ඒ තමයි මාසෙන් මාසෙට කඩාවැටීම. 2020 සැප්තැම්බර් ඉඳන් 2020 ඔක්තෝබර් වෙනතුරු මාසේ කඩාවැටීම සීයට 15ක්. ඒත් ඔක්තෝබර් ඉඳන් නොවැම්බර් වෙනතුරු කඩාවැටීම සීයට 15ක් විතරයි.
මේ අවුරුද්දේ ගෙවුණු මාස 11දී ඇඟලුම් අපනයන ආදායම ඩොලර් බිලියන 8.98ක්. ඒක කලින් අවුරුද්දේ මාස 11ට වඩා සීයට 17ක කඩාවැටීමක්.
අපනයන සංවර්ධන මණ්ඩලය කියන විදියට නොවැම්බර්වල කඩාවැටීමට හේතුව කොවිඩ්-19 අලුත් රැල්ල. විශේෂයෙන් කොවිඩ් රැල්ල ඇඟලුම් ක්ෂේත්රයටත් පැතිරුණ නිසා කඩාවැටීම වැඩි වුණා.
අපේ රටට වැඩිම ආදායමක් ගේන අපනයන ක්ෂේත්රය වන නිසා ඇඟලුම් අපනයන ක්ෂේත්රයට කොවිඩ්-19 මැද්දේ වුණත් ආරක්ෂිතව යළි නැගිටින්න සිද්ධවෙනවා.