පිළිකාකාරක අඩංගු බවට දෙවරක් තහවුරු වූ ආනයනික පොල්තෙල්වල, ඇෆ්ලටොක්සීන් නම් අදාල රසායනිකය අඩංගු බව, කාර්මික තාක්ෂණ ආයතනයද තහවුරු කර ඇති බව පාරිභෝගික ආරක්ෂණ රාජ්‍ය අමාත්‍ය ලසන්ත අලගියවන්න පවසනවා.
මේ අතර පාරිභෝගික අධිකාරිය සමස්ත දිවයිනම අවරණය වන පරිදි වෙළෙඳපොළෙන් ලබාගත් පොල් තෙල් සාම්පල 125ක් පරීක්ෂා කිරීම සඳහා පේරාදෙණිය විශ්වවිද්‍යාලයට හා පොල් සංවර්ධන මණ්ඩලයට ලබාදී තිබෙනවා.
ලබාදුන් සාම්පලවලින් පොල් සංවර්ධන අධිකාරිය විසින් පරීක්ෂා කළ සාම්පල 55කම ‘ඇෆ්ලටොක්සීන්’ නමැති ප්‍රබල පිළිකා කාරකය ඇතුළත් නොවන බවට තහවුරු වී ඇතැයි එම අධිකාරියේ අධ්‍යක්ෂ ජනරාල්වරයා පවසනවා.
