සමගි ජන බලවේගයේ ආර්ථික කමිටුව හා ජාතික ජන බලවේගයේ ආර්ථික කමිටුව අතර විවාදයක් පැවැත්වීම සඳහා එකඟ වන්නේද යන්න සම්බන්ධයෙන් විමසමින් සමඟි ජන බලවේගයේ මෙහෙයුම් ප්රධානී නලින් බණ්ඩාර මහතා ජාතික ජන බලවේගය වෙත ලිපියක් යොමු කර තිබෙනවා.
ජාතික ජන බලවේගයේ ජාතික විධායක සභික නලින්ද ජයතිස්ස මහතා වෙත යොමු කර ඇති මෙම ලිපියේ සඳහන් වෙන්නේ ආර්ථික ප්රතිපත්ති සම්බන්ධයෙන් සාකච්ඡා කරන විවාදයකට සමඟි ජන බලවේගය විසින් ඉදිරිපත් කර ඇති යෝජනාවට ජාතික ජන බලවේගය මෙතෙක් සාධනීය පිළිතුරක් ලබා දී නොමැති බවයි.
නලින් බණ්ඩාර මහතා තවදුරටත් පවසා ඇත්තේ ආර්ථික ප්රතිපත්ති පිළිබඳ විවාදයට කිසිදු සාධනීය පිළිතුරක් ලබා නොදෙමින් පක්ෂ නායකයින් අතර විවාදයකට එළඹීම සඳහා ජාතික ජන බලවේගය විසින් යෝජනා කළ බවයි.
එම විවාදයට සූදානම් බව සමඟි ජන බලවේගයේ නායක සජිත් ප්රේමදාස මැතිතුමා අවස්ථා ගණනාවකදී ප්රසිද්ධියේ ප්රකාශ කර ඇති බවද මෙම ලිපියේ සඳහන්.
කෙසේවෙතත්, මෙම විවාදයන් දෙක පැවැත්වීම පිළිබද දිනයන් සහ අනෙකුත් විධිවිධාන සැලසීම පිළිබදව වූ සාකච්ඡාවකට 2024-04-25 හෝ 26 යන දින දෙකකින් එකකදී පාර්ලිමේන්තුවට පැමිණෙන ලෙසද මෙම ලිපිය මඟින් ඉල්ලා තිබෙනවා.
අදාළ ලිපිය පහතින්,