2022 අධ්යයන පොදු සහතික පත්ර සාමාන්ය පෙළ විභාගයේ නැවත සමීක්ෂණ ප්රතිඵල ඊයේ (04) රාත්රී නිකුත් කර තිබෙනවා.
විභාග දෙපාර්තමේන්තුව සඳහන් කළේ, නැවත සමීක්ෂණය සඳහා අයදුම්කරුවන් 49,312 දෙනෙකු අයදුම් කර ඇති අතර පිළිතුරුපත්ර 250,311ක් නැවත සමීක්ෂණයට ලක්කළ බවයි.
විභාග දෙපාර්තමේන්තුවේ නිල වෙබ් අඩවිය වන www.doenets.lk හෝ www.results.exams.gov.lk යන වෙබ් අඩවිය හරහා එම ප්රතිඵල ලබා ගත හැකි.
මේ අතර, 2023 අධ්යයන පොදු සහතික පත්ර සාමාන්ය පෙළ විභාගය හෙටින් ආරම්භ වනවා.
අයදුම්කරුවන් 452, 979 දෙනෙකු විභාගය සඳහා පෙනී සිටීමට නියමිත බව විභාග දෙපාර්තමේන්තුව සඳහන් කළා.
ඊට පාසල් අයදුම්කරුවන් තුන් ලක්ෂ 87, 648ක් සහ පෞද්ගලික අයදුම්කරුවන් 65,331 දෙනෙකු ඇතුළත්.
විභාග කොමසාරිස් ජනරාල් අමිත් ජයසුන්දර මහතා සඳහන් කළේ, දිවයින පුරා විභාග මධ්යස්ථාන 3,527කදී විභාගය පැවැත්වීමට නියමිතව ඇති අතර ඒ සඳහා මේ වනවිට සියලු කටයුතු සූදානම් බවයි.
විශේෂ විභාග මධ්යස්ථාන කිහිපයක් ද දිවයින පුරා ස්ථාන කිහිපයක පිහිටුවා ඇති බව විභාග කොමසාරිස් ජනරාල් අමිත් ජයසුන්දර මහතා වැඩිදුරටත් සඳහන් කළා.