එක්සත් ජාතීන්ගේ මානව හිමිකම් කවුන්සිලය පත්කල විශේෂ සිව් පුද්ගල කමිටුවක් විසින් කොවිඩ් මරණ භූමදානය නොකර ආදාහනය පමණක් කිරීම සම්බන්ධයෙන් වාර්තාවක් නිකුත් කර ඇත.
ඒ සම්බන්දයෙන් නිවේදනයක් නිකුත්කරමින් එම සිවු පුද්ගල කමිටුව සදහන් කර ඇත්තේ කොවිඩ් 19 වැළැදීම හේතුවෙන් මියගිය අයගේ මෘත දේහ භූමදානය හරහා වෛරසය පැතිර යන බවට සෞඛ්ය හෝ විද්යාත්මක මතයක් ඔප්පු වී නොමැති බවයි.
ඒ අනුව ශ්රීලංකාව තුළ වර්තමානයේ සිදුකෙරෙමින් පවතින ආදාහනය අනිවාර්ය කිරීමෙන් ජාතීන් අතර සුහදත්වයට බාධාවක් ඇතිවන බවත් එයින් මානව හිමිකම් කඩ කිරීමක් ද සිදුවන බවයි.
ඇතැම් අවස්ථාවලදී අදාල වාර්තාවල නිරවද්යතාව තහවුරු කිරීමට පවා කාලයක් ඉතිරි නොකොට අදාල ආදාහන කටයුතු සිදුකිරීම් ගැනද මෙම කමිටුව අවධානය යොමුකර තිබෙනවා.
එම වාර්තාවෙන් වැඩිදුරටත් සදහන් කර ඇත්තේ කොවිඩ් ආසාදිතව මිය යන අයගේ දේහයන් කළමණාකරණයට පත්කළ සෞඛ්ය අමාත්ය කමිටුවේ යෝජනා කඩිනමින් එළිදක්වමින් ආදාහනය අනිවාර්ය කිරීමට ගෙන ඇති ප්රතිපත්තිමය තීරණය වෙනස් කරනු ඇතැයි තමන් බලාපොරොත්තු වන බවයි.
එම සම්පූර්ණ වාර්තාව පහත සබැදියෙන් බලන්න,
https://www.ohchr.org/EN/NewsEvents/Pages/DisplayNews.aspx?NewsID=26686&LangID=E