ශ්‍රී ලංකා ක්‍රිකට් ආයතනය ඊයේ (15) කොප් කමිටුවට කැඳවූ අවස්ථාවේදී කමිටු සාමාජිකයන් ප්‍රශ්න කරන අතරතුර තමා ‘හස්ත සංඥාව’ ලබාදුන් හේතුව පිළිබඳ කමිටු සභාපති මහාචාර්ය රංජිත් බණ්ඩාර විසින් අද පාර්ලිමේන්තුවේදී පැහැදිලි කිරීමක් කර තිබුණා.
මන්ත්‍රීවරු කිහිපදෙනකු විසින් සභාපතිවරයාගේ හස්ත සංඥා ක්‍රියාකලාපය පිළිබඳ පරීක්ෂණයක් සිදුකරන ලෙස කථානායකවරයාගෙන් අද පාර්ලිමේන්තුවේදී ඉල්ලා තිබෙනවා.
කමිටුවේ සියලුම සාමාජිකයන් මෙන්ම මන්ත්‍රීවරු විශාල පිරිසක්ද ඊයේ කෝප් හමුවට පැමිණ සිටි අතර, එම අවස්ථාවේ පාලනයක් සිදුවිය යුතු බව, තමාට හැඟී ගිය බව ඔහු කියා සිටියා.
ෆේස්බුක් වැනි සමාජ ජාලාවල දකින දේ කෝප් කමිටුවේදී විමසිය නොහැකි බවට ක්‍රීඩා අමාත්‍යවරයාට සිහිපත් කළ සභාපතිවරයා වැඩිදුරටත් කියා සිටියේ, විගණකාධිපතිවරයාගේ වාර්තාවෙන් පමණක් ප්‍රශ්න අසන ලෙසටත්, එක් අයකු පමණක් වරකට කතාකරන ලෙස තම සාමාජිකයන්ට හස්ත සංඥාව මගින් තමා පැවසූ බවයි.
සභාපතිවරයා පාර්ලිමේන්තුවේදී වැඩිදුරටත් අවධාරණය කළේ, කෝප් කමිටුව දේශපාලනීකරණය නොකරන ලෙසයි.
