“කෝර්ඩේලියා කෲස් ” සංචාරක නෞකාව මඟින් ගත වූ මාස තුනක කාලය ඇතුළතදී අවස්ථා නවයකදී සංචාරකයින් 6478 දෙනෙකු යාපනයට පැමිණ තිබෙන බව වාර්තා වෙනවා.
2023 වසරේ ජූනි මස 16 වන දින ඉන්දියාවේ සිට යාපනයට මෙම සංචාරක නැව් සේවාව ආරම්භ කර තිබෙනවා.
උතුරු පළාත් සංචාරක මණ්ඩලයේ නිලධාරීන් පවසන්නේ මෙම සංචාරක නෞකාව මඟින් ඉන්දියාව හරහා යාපනයට අපේක්ෂිත ප්රමාණයටත් වැඩි සංචාරකයින් පිරිසක් පැමිණ ඇති බැවින් මෙම සංඛ්යාව තවදුරටත් වර්ධනය කිරීමට හා සංචාරක කර්මාන්තය ප්රවර්ධනය කිරීමට පියවර රැසක් ගෙන ඇති බවයි .
මේ දිනවල යාපනයේ සංචාරය කරන විදේශීය සංචාරකයින් පිළිගැනීම සඳහා ඔවුන්ට යාපනයේ සාම්ප්රදායික ආහාරවලින් සංග්රහ කිරීමේ වැඩ සටහනක් මෙන්ම දකුණු ඉන්දීය නර්තන ප්රසංගයක්ද යාපනය තෙලිප්පලෙයි ප්රාදේශීය ලේකම් කාර්යාල පරිශ්රයේදී පවත්වා තිබුණා.
මේ අවස්ථාවට නියෝජ්ය ඉන්දීය මහ කොමසාරිස් රාකේෂ් නට්රාජ් ජෙයබාස්කරන් හා උතුරු පළාත් සංචාරක මණ්ඩලයේ නිලධාරීන් රැසක්ද සහභාගී වී ඇති බව වාර්තා වෙනවා.