චීනයේ විමර්ශකයින් විසින් මෑතකදී නිකුත් කරන ලද වාර්තාවක, නීතිවිරෝධී ලෙස වෙළඳාම් කරන ලද වන සතුන් නිසා කොවිඩ් වෛරස් වසංගතය පැතිරුණු බවට වන සාක්ෂි සාක්ෂි පළමුවරට විස්තරාත්මකව විස්තර කර ඇති බව නිව් යෝර්ක් ටයිම්ස් සඳහන් කරයි.
එම වාර්තාවට අනුව 2020 ජනවාරි 12 වන දින චීන විමර්ශකයින් කණ්ඩායමක් වුහාන් නගරයේ නව රෝගයක් මතුවීම සම්බන්ධයෙන් හෝඩුවාවන් සොයා වෙළඳපොළක් පරීක්ෂා කර තිබේ. එහිදී සතුන් ප්‍රවාහනය සඳහා භාවිත කරන කූඩුවල කොරෝනා වයිරසය හමු වී ඇතැයි විමර්ශන කණ්ඩායම සොයා ගත්තේය.
ගෝලීය දත්ත ගබඩාවකට රහසිගතව යාවත්කාලින කර මේ වසරේ ප්‍රසිද්ධියට පත් කළ එම ජානමය ද්‍රව්‍ය වසර තුනකට පසුව ජාත්‍යන්තර විශේෂඥයින් පිරිසක් විසින් පරීක්ෂා කර ඇත.
විද්‍යාඥයන්, ප්‍රසිද්ධියට පත් කරන ලද මෙම අධ්‍යයන වාර්තාවට අනුව, කොරෝනා වෛරස් වසංගතය නීති විරෝධී ලෙස වෙළඳාම් කරන ලද වන සතුන්ගෙන් ආරම්භ වූ බවට වන ඔවුන්ගේ තර්කයට සාක්ෂි සපයා තිබේ.
ජාත්‍යන්තර කණ්ඩායම මෙම පර්යේෂණයට සම්බන්ධ වීමෙන් පසු, දත්ත යාවත්කාලින කළ චීන පර්යේෂකයන් එය දත්ත ගබඩාවෙන් ඉවත් කරන ලෙස ඉල්ලා සිටියේය.
නීති උල්ලංඝණය කිරීම් යැයි ඔවුන් කළ ප්‍රකාශය පදනම් කරගනිමින්, දත්ත සමුදා පරිපාලකයින් දැන් ජාත්‍යන්තර පර්යේෂකයන්ට එහි ප්‍රවේශවීමට ඉඩ දීම ප්‍රතික්ෂේප කර ඇති අතර, මිලියන හතක් මරා දැමූ වෛරසයක මූලාරම්භය පිළිබඳ තොරතුරු හෙළි කර ගැනීම ඒ හරහා නැවත අතරමග නැවතී තිබේ.
