කොවිඩ් වයිරසයෙන් ජ්‍යෙෂ්ඨ පුරවැසියන් ආරක්ෂා කරගැනීමට නව නීති සම්පාදනයට ස්වීඩන් රජය සැරසේ.
මෙම නීති සැකැසෙන්නේ කොවිඩ් වයිරසය සම්බන්ධයෙන් කරුණු සෙවීමට ස්වීඩන් රජය පත්කළ කොමිසමේ පළමු අතුරු වාර්තාවේ නිරීක්ෂණ මතය.
ජුනි මස අගදී මෙම කොමිසම පත්කෙරුණේ වයිරස ව්‍යාප්තිය වැලැක්වීමට ස්වීඩන් ආණ්ඩුව සහ රාජ්‍ය ආයතන ගත් පියවර තක්සේරු කිරීමේ අරමුණෙනි.
වයිරසය ආසාදනයෙන් පසු මියගිය 7500කට අධික එරට වැසියන්ගෙන් සියයට අනූවක් පමණ වයස අවුරුදු 70 ඉක්මවූවන් බවත් සෞඛ්‍ය සේවයේ ව්‍යුහාත්මක අඩුපාඩු ඊට ප්‍රධාන හේතුවක් බවත් කොමිසම් වාර්තාවේ සඳහන්ව ඇත.
ලොව විශිෂ්ටතම සෞඛ්‍ය සේවා සැපයෙන රටවල් දහය අතර ස්වීඩනය පසු වේ.
